Last Update :
13 Apr 2025
પોરબંદરમાંથી એક ચોંકાવનારી ઘટના સામે આવી રહી છે જેમાં એક માલ વાહક જહાજ ડૂબી જતાં ભારે નુકસાની થઈ હોવાના સમાચાર મળી રહ્યા છે. પોરબંદરના ખારવા અગ્રણીનું વધુ એક માલ વાહક વહાણ સમુદ્રમાં ડૂબ્યું હતું. હયાન નામનું વહાણ મસકટથી સોમાલિયા તરફ જઈ રહ્યું હતું તે દરમિયાન જહાજ ક્રેશ થયું હતું. વહાણમાં કિંમતી સમાન હોવાનું પણ સામે આવ્યું છે.
GSTVની એપ્લિકેશન ડાઉનલોડ કરો
વહાણમાં કુલ 13 ક્રુ મેમ્બર સવાર હતા જો કે તે તમામનો આબાદ બચાવ થયો હતો. વહાણ હાલ કિનારા પર લાવવામાં આવ્યું અને સામાન બહાર કાઢવાનો પ્રયાસ કરવામાં આવ્યો. વહાણ માલિક ભીખુ વેલજી લોઢારીનું આ ત્રીજું વહાણ હતું. અગાઉ પણ બે વહાણની જળ સમાધી થઈ છે. આ વહાણ ક્રેશ થતા 6 કરોડની નુકસાની થઈ હોવાની માહિતી મળી રહી છે. બે દાયકામાં ત્રીજું વહાણ ડૂબી જતાં વહાણ માલિકની હાલત કફોડી બની છે. હાલ સમુદ્રમાં પરિવહન કરતા વહાણોના વીમા 2થી 3 વર્ષે બંધ થતાં વહાણ માલિકો મુશ્કેલીમાં મુકાયા છે.
