Last Update :
26 May 2025
IPL 2025ની 69મી મેચમાં પંજાબ કિંગ્સ (PBKS) મુંબઈ ઈન્ડિયન્સ (MI) સામે ટકરાશે. આ મેચ જયપુરના સવાઈ માનસિંહ સ્ટેડિયમમાં રમાશે. જોકે બંને ટીમોએ આ સિઝનના પ્લેઓફમાં પોતાનું સ્થાન નિશ્ચિત કરી લીધું છે, તેમ છતાં તેમના માટે આ મેચ જીતવી ખૂબ જ મહત્ત્વપૂર્ણ છે. આ મેચ જે પણ ટીમ જીતશે તે પોઈન્ટ્સ ટેબલમાં ટોપ-2માં સ્થાન મેળવશે અને તેને ક્વોલિફાયર-1 રમવાની તક મળશે. ચાલો તમને જણાવીએ કે આ મેચ દરમિયાન સવાઈ માનસિંહ સ્ટેડિયમની પિચ કેવી હશે.
GSTVની એપ્લિકેશન ડાઉનલોડ કરો
પિચ રિપોર્ટ
જયપુરના સવાઈ માનસિંહ સ્ટેડિયમની પિચ વિશે વાત કરીએ તો, તે સામાન્ય રીતે બેટ્સમેન માટે અનુકૂળ માનવામાં આવે છે. આ પિચ પર બેટિંગ કરવી સરળ છે. અહીં પહેલા બેટિંગ કરતી વખતે 170થી 180 રનનો સ્કોર સારો માનવામાં આવે છે, પરંતુ છેલ્લા કેટલાક મેચોમાં અહીં હાઈ સ્કોરિંગ મુકાબલા જોવા મળ્યા છે. આ સ્ટેડિયમમાં છેલ્લી મેચમાં પહેલા બેટિંગ કરતી ટીમોએ 200થી વધુ રન બનાવ્યા હતા. જો આ મેચ દરમિયાન ઝાકળ પડવાની શક્યતા હોય તો ટોસની ભૂમિકા ખૂબ જ મહત્ત્વપૂર્ણ બની જશે. હવે જોવાનું એ રહે છે કે ટોસ જીત્યા પછી કેપ્ટન શું પસંદ કરે છે.
સવાઈ માનસિંહ સ્ટેડિયમના IPL આંકડા
અત્યાર સુધીમાં જયપુરના આ મેદાન પર IPLમાં કુલ 63 મેચ રમાઈ છે, જેમાં પહેલા બેટિંગ કરનારી ટીમે 23 મેચ જીતી છે અને બીજા બેટિંગ કરનારી ટીમે 40 મેચ જીતી છે. અહીં જે પણ ટીમ ટોસ જીતે છે તે પહેલા બોલિંગ કરી શકે છે. આ મેદાન પર સૌથી વધુ સ્કોર કરવાનો રેકોર્ડ પંજાબ કિંગ્સ (PBKS) ના નામે છે. તેણે આ જ સિઝનમાં રાજસ્થાન સામે 219 રન બનાવ્યા હતા. સૌથી લોએસ્ટ સ્કોરનો રેકોર્ડ રાજસ્થાન રોયલ્સ (RR) ના નામે છે. 2023માં રોયલ ચેલેન્જર્સ બેંગલુરુ (RCB) સામેની મેચમાં, RR 59 રનમાં ઓલઆઉટ થઈ ગયું હતું.
