Last Update :
05 Jul 2025
બોલિવુડના સૌથી ફિટ અને સ્ટાઇલિશ અભિનેતાઓમાંથી એક હૃતિક રોશનને જોઈને ભાગ્યે જ કોઈ કલ્પના કરી શકે છે કે તેને ક્યારેય ગંભીર સ્વાસ્થ્ય સમસ્યાઓનો સામનો કરવો પડ્યો હશે. તેનું મજબૂત શરીર અને દરેક પાત્રને જીવંત બનાવતી તેની અભિનય કુશળતા લાખો લોકોને પ્રેરણા આપે છે, પરંતુ પડદા પાછળની કહાની કંઈક અલગ જ છે.
GSTVની એપ્લિકેશન ડાઉનલોડ કરો
બહુ ઓછા લોકો જાણે છે કે હૃતિકે પોતાના જીવનમાં બે ખૂબ જ વિચિત્ર અને પડકારજનક રોગો સામે લડ્યા છે. એક રોગ તેના મગજ સાથે સંબંધિત હતો, જેની તેના ફિલ્મી કારકિર્દી પર પણ અસર પડી. બીજી તરફ બીજા રોગે તેના શરીરને અસર કરી અને તેને લાંબા સમય સુધી પીડા સાથે સંઘર્ષ કરવો પડ્યો હતો. છતાં ક્યારેય હાર માની નથી.
20213માં, 'બેંગ બેંગ' ફિલ્મના શૂટિંગ દરમિયાન હૃતિકને માથામાં ગંભીર ઈજા થઈ હતી. શરૂઆતમાં તેણે તેને અવગણી હતી, પરંતુ થોડા સમય પછી માથાનો દુખાવો અસહ્ય થઈ ગયો. જ્યારે MRI કરવામાં આવ્યો ત્યારે ડોક્ટરોએ મગજમાં લોહી ગંઠાઈ ગયું હોવાનું જણાયું હતું, જે જીવલેણ પણ બની શકતી હતી. આ પછી હૃતિકને મગજની સર્જરી કરાવવી પડી અને તેને કેટલાક અઠવાડિયા સુધી આરામ કરવાની સલાહ આપવામાં આવી. આ બીમારીએ ન માત્ર તેના કામ પર જ અસર કરી, પરંતુ તેની માનસિક અને શારીરિક શક્તિની પણ કસોટી કરી. પરંતુ તેણે હાર ન માની અને ન તો કેમેરાથી દૂર રહ્યો.
જ્યારે હૃતિક 21 વર્ષનો હતો, ત્યારે તેને ખબર પડી કે તેને સ્કોલોસિસ નામનો કરોડરજ્જુનો રોગ છે. આમાં કરોડરજ્જુ એક તરફ વળવા લાગે છે, જેના કારણે સતત દુખાવો અને થાક લાગે છે. ડોક્ટરોએ સ્પષ્ટ કહ્યું હતું કે તે ક્યારેય એક્શન સીન કે ડાન્સ કરી શકશે નહીં. પરંતુ હૃતિકે ડોક્ટરોની સલાહને પડકાર તરીકે સ્વીકારી. કસરત, ફિઝીયોથેરાપી અને સંતુલિત જીવનશૈલીની મદદથી તેણે ન માત્ર સ્કોલિયોસિસને નિયંત્રિત કર્યું, પરંતુ બોલિવૂડનો શ્રેષ્ઠ ડાન્સર પણ બન્યો.
થોડા લોકો જાણે છે કે ઋતિકને બાળપણથી જ તોતડાપણુંની સમસ્યા હતી. શાળામાં બાળકો તેની મજાક ઉડાવતા હતા, અને તે જાહેરમાં બોલવામાં ડરતો હતો. તેણે વર્ષો સુધી સ્પીચ થેરાપી લીધી, વારંવાર પ્રેક્ટિસ કરી અને ધીમે ધીમે આ નબળાઈને દૂર કરી. આજે જ્યારે તે સ્ટેજ પર બોલે છે, ત્યારે આત્મવિશ્વાસ દેખાય છે.
