Last Update :
13 Apr 2025
હૈદરાબાદના રાજીવ ગાંધી ઇન્ટરનેશનલ સ્ટેડિયમમાં રમાયેલી IPL 2025 ની 27મી મેચ કોઈ ભૂલી શકશે નહીં. આ મેચમાં લગભગ 500 રન બન્યા હતા. આ ઉપરાંત, કોઈપણ ભારતીય ખેલાડીએ IPL ઇતિહાસમાં અહીં સૌથી વધુ વ્યક્તિગત સ્કોર પણ બનાવ્યો. પ્રથમ બેટિંગ કરતા પંજાબ કિંગ્સે (pbks) 20 ઓવરમાં 6 વિકેટ ગુમાવીને 245 રનનો વિશાળ સ્કોર બનાવ્યો હતો, પરંતુ સનરાઇઝર્સ હૈદરાબાદના ઓપનર અભિષેક શર્મા(Abhishek Sharma)એ તોફાની સદી ફટકારીને આ સ્કોરને નાનો બનાવ્યો. અભિષેકની સદી કરતાં પણ વધુ, જ્યારે તેણે ખિસ્સામાંથી સફેદ કાગળ કાઢ્યો અને તેને લહેરાવ્યો ત્યારે તેની ઉજવણી હિટ બની ગઈ. પણ તેમાં શું લખ્યું હતું?
GSTVની એપ્લિકેશન ડાઉનલોડ કરો
સફેદ કાગળ કાઢીને કરી ઉજવણી
આ મેચમાં અભિષેકે 55 બોલમાં 14 ચોગ્ગા અને 10 છગ્ગાની મદદથી 141 રનની તોફાની ઇનિંગ રમી હતી, જેની મદદથી સનરાઇઝર્સ હૈદરાબાદે (srh) માત્ર 18.3 ઓવરમાં વિજયનો લક્ષ્યાંક હાંસલ કર્યો અને પંજાબ કિંગ્સને 8 વિકેટથી હરાવ્યું. અભિષેક શર્માએ જે શૈલીમાં સદી પૂર્ણ કરી તે જોઈને ટીમના માલિક કાવ્યા મારન ખુશીથી ઉછળી પડ્યા. સદી ફટકાર્યા પછી, અભિષેકે પોતાના ખિસ્સામાંથી એક સફેદ કાગળ કાઢ્યો અને કંઈક ઈશારો કર્યો.
ઓરેન્જ આર્મી શું છે?
સનરાઇઝર્સ હૈદરાબાદ ટીમ અને તેમના ચાહકોને ઓરેન્જ આર્મી તરીકે ઓળખવામાં આવે છે, કારણ કે ટીમ નારંગી જર્સી પહેરે છે, જે ટીમનું નામ પણ છે, એટલેકે સનરાઇઝર્સનો અર્થ ઉગતો સૂર્ય થાય છે, ઉપરાંત ઉગતા સૂર્યની જેમ, આ ટીમ તેની રમતમાં આક્રમકતા જાળવી રાખે છે. અભિષેકે આ સદી આ ટીમ અને તેના ચાહકોના સમર્થન માટે સમર્પિત કરી હતી. ગયા સિઝનમાં અભિષેક શર્મા અને ટ્રેવિસ હેડની જોડીએ ભારે તબાહી મચાવી હતી. આ બંને બેટ્સમેન દરેક મેચમાં ટીમને ઝડપી શરૂઆત આપતા હતા. જેના કારણે ટીમ સરળતાથી 250 રનના આંકડાને સ્પર્શી શકી હતી. ટીમ આ સિઝનમાં કંઈ ખાસ કરી શકી ન હતી, પરંતુ પંજાબ કિંગ્સ સામેની આ શાનદાર જીતથી ટીમનું મનોબળ ચોક્કસ વધ્યું હશે.
8મી ઓવરમાં હૈદરાબાદની ટીમે પૂરા કર્યા 100 રન
૨૪૫ રનના લક્ષ્યાંકનો પીછો કરવા ઉતરેલી સનરાઇઝર્સ હૈદરાબાદની ઓપનિંગ જોડીએ ટીમને ઝડપી શરૂઆત અપાવી. ટ્રેવિસ હેડ અને અભિષેક શર્માએ પંજાબ કિંગ્સના તમામ બોલરોની બરોબર ધોલાઈ કરી હતી. હૈદરાબાદે 8મી ઓવરમાં જ 100 રન પૂરા કર્યા હતા. બંને ઓપનરોએ પ્રથમ વિકેટ માટે 74 બોલમાં 171 રનની ભાગીદારી કરી, જેના કારણે મોટો લક્ષ્ય નાનો લાગ્યો. ટ્રેવિસ હેડે 37 બોલમાં 9 ચોગ્ગા અને 3 છગ્ગાની મદદથી 66 રન બનાવ્યા.
