Last Update :
29 Jun 2025
જેવલિન થ્રોઅર નીરજ ચોપરાએ દોહા અને પેરિસ ડાયમંડ લીગમાં શાનદાર પ્રદર્શન કર્યું. તેણે આ સિઝનમાં પહેલીવાર 90 મીટરનો આંકડો પાર કર્યો હતો. તે પાકિસ્તાનના અરશદ નદીમ અને એન્ડરસન પીટર્સને પાછળ છોડીને રેન્કિંગમાં ટોપ પર આવ્યો છે. આગામી નીરજ ચોપરા ક્લાસિક ઈવેન્ટ પહેલા, સ્ટાર સ્પોર્ટ્સ પર નીરજનો ઇન્ટરવ્યુ લેવામાં આવ્યો હતો, જેમાં તેને પૂછવામાં આવ્યું હતું કે કયો ભારતીય ક્રિકેટર જેવલિન થ્રોમાં પણ સફળ થઈ શકે છે.
GSTVની એપ્લિકેશન ડાઉનલોડ કરો
નવજોત સિંહ સિદ્ધુએ સ્ટાર સ્પોર્ટ્સ પર નીરજ ચોપરાનો ઇન્ટરવ્યુ લીધો હતો. આ દરમિયાન, તેણે પૂછ્યું કે, જો કયો ક્રિકેટર જેવલિન થ્રો પણ રમતો હોત તો તે સફળ થયો હોત. આ પ્રશ્નના જવાબમાં નીરજ ચોપરાએ ન તો વિરાટ કોહલીનું નામ લીધું કે ન તો રોહિત શર્માનું. તેણે રવિન્દ્ર જાડેજા જેવા ફિલ્ડરનું નામ પણ ન લીધું, જે તેના ઝડપી થ્રો માટે જાણીતો છે. તેણે જસપ્રીત બુમરાહનું નામ લીધું.
તેણે કહ્યું, "મને લાગે છે કે તે ફક્ત એક ફાસ્ટ બોલર જ હોઈ શકે છે. હું જસપ્રીત બુમરાહને તેના શ્રેષ્ઠ ફોર્મમાં, યોગ્ય ફિટનેસ સાથે, થ્રો કરતા જોવા માંગુ છું."
નીરજ ચોપરા રેન્કિંગમાં ટોચ પર પહોંચ્યો
વર્લ્ડ એથ્લેટિક્સે આ અઠવાડિયે તેનું લેટેસ્ટ રેન્કિંગ જાહેર કર્યું, જેમાં નીરજ ચોપરા પ્રથમ સ્થાને છે. તેના 1445 પોઈન્ટ છે. એન્ડરસન પીટર્સ હવે બીજા સ્થાને સરકી ગયો છે, તેના 1431 પોઈન્ટ છે. એન્ડરસને દોહામાં આયોજિત ડાયમંડ લીગમાં 91.06 મીટરના થ્રો સાથે નીરજને પાછળ છોડી દીધો હતો, પરંતુ નીરje રેન્કિંગમાં તેને પાછળ છોડી દીધો.
આગામી નીરજ ચોપરા ક્લાસિકમાં, અરશદ નદીમ અને વેબર ભાગ નહીં લે. ભારત-પાકિસ્તાન તણાવને કારણે અરશદને આમંત્રણ નથી આપવામાં આવ્યું. નીરજનો મુખ્ય હરીફ એન્ડરસન પીટર્સ આ ઈવેન્ટમાં ભાગ લેશે. પીટર્સે ગયા વર્ષે 17 સપ્ટેમ્બરે નીરજ પાસેથી નંબર 1નું સ્થાન મેળવ્યું હતું, જ્યારે તેણે બ્રસેલ્સમાં ડાયમંડ લીગ ફાઈનલ જીતી હતી.
