Last Update :
09 Mar 2025
ચેમ્પિયન્સ ટ્રોફી 2025ની ફાઇનલ રોહિત શર્માની કેપ્ટન તરીકેની છેલ્લી ICC ટુર્નામેન્ટ સાબિત થઈ શકે છે. આ પછી રોહિત શર્મા નિવૃત્તિની જાહેરાત કરી શકે છે તેવી અટકળો ચાલી રહી છે. જોકે, ફાઇનલ પહેલા પ્રેસ કોન્ફરન્સમાં હાજરી આપનાર ઉપ-કપ્તાન શુભમન ગિલે આ અફવાઓને નકારી કાઢી. ગિલે કહ્યું હતું કે રોહિતની નિવૃત્તિ અંગે હજુ સુધી કોઈ વાત થઈ નથી. બધાનું ધ્યાન હવે મેચ જીતવા પર છે.
GSTVની એપ્લિકેશન ડાઉનલોડ કરો
રોહિતની નજર ઇતિહાસ રચવા પર
જો ભારતીય ટીમ રોહિત શર્માની કેપ્ટનશીપમાં ચેમ્પિયન્સ ટ્રોફીની ફાઇનલ જીતે છે, તો તે એકસાથે ઘણા મહત્વપૂર્ણ રેકોર્ડ પોતાના નામે કરશે. જો ભારતીય ટીમ ચેમ્પિયન્સ ટ્રોફી જીતે છે, તો તે મહેન્દ્ર સિંહ ધોની પછી બે ICC ટ્રોફી જીતનાર બીજો ભારતીય કેપ્ટન બનશે. ધોની ભારતનો સૌથી સફળ કેપ્ટન છે.
ગયા વર્ષે વર્લ્ડ કપ જીત્યો હતો
ધોનીની કેપ્ટનશીપ હેઠળ ભારતીય ટીમે 2007માં T20 વર્લ્ડ કપનો ખિતાબ જીત્યો હતો. આ પછી માહીની કેપ્ટનશીપ હેઠળ ટીમે 2011માં ODI વર્લ્ડકપ અને 2013માં ચેમ્પિયન્સ ટ્રોફી જીતી. ગયા વર્ષે રોહિતની કેપ્ટનશીપ હેઠળ ભારતે T20 વર્લ્ડ કપ જીત્યો હતો. હવે રોહિત પાસે તેની બીજી ટ્રોફી જીતવાની તક છે. 1983માં કપિલ દેવની કેપ્ટનશીપમાં ભારતે વનડે વર્લ્ડકપ જીત્યો હતો. આ ઉપરાંત સૌરવ ગાંગુલીની આગેવાની હેઠળની ભારતીય ટીમ 2002 માં ચેમ્પિયન્સ ટ્રોફીની સંયુક્ત વિજેતા (શ્રીલંકા સાથે) બની હતી.
ICC ટ્રોફી જીતનાર ભારતીય કેપ્ટનો
- એમએસ ધોની: ટી20 વર્લ્ડકપ 2007
- એમએસ ધોની: વનડે વર્લ્ડકપ 2011
- એમએસ ધોની: ચેમ્પિયન્સ ટ્રોફી 2013
- રોહિત શર્મા: T20 વર્લ્ડકપ 2024
- સૌરવ ગાંગુલી: ચેમ્પિયન્સ ટ્રોફી 2002
- કપિલ દેવ: વનડે વર્લ્ડકપ 1983
દ્રવિડની બરાબરી કરવાની તક
રોહિતની કેપ્ટનશીપ હેઠળ ભારતીય ટીમે અત્યાર સુધીમાં 55 ODI મેચ રમી છે અને તેમાંથી 41 મેચ જીતી છે. આ સમયગાળા દરમિયાન ટીમે 12 મેચ હારી અને 1 મેચ ટાઈ 1 અનિર્ણાયક રહી. રાહુલ દ્રવિડની કેપ્ટનશીપ હેઠળ ટીમ ઈન્ડિયાએ 79 મેચ રમી અને તેમાંથી 42 મેચ જીતી. આવી સ્થિતિમાં રોહિત શર્મા પાસે દ્રવિડની બરાબરી કરવાની તક છે. રોહિત પાસે ભારતનો પાંચમો સૌથી સફળ કેપ્ટન બનવાની પણ તક છે.
ભારતના સૌથી સફળ ODI કેપ્ટન
- એમએસ ધોની: 200 વનડે, 110 જીત
- મોહમ્મદ અઝહરુદ્દીન: 174 વનડે, 90 જીત
- સૌરવ ગાંગુલી: 146 વનડે, 76 જીત
- વિરાટ કોહલી: 95 વનડે, 65 જીત
- રાહુલ દ્રવિડ: 79 વનડે, 42 જીત
- રોહિત શર્મા: 55 વનડે, 41 જીત
