બેંગલુરુમાં ભાગદોડ મામલે મુખ્યમંત્રી - નાયબ મુખ્યમંત્રી અને આયોજકો વિરુદ્ધ ફરિયાદ

ગઈકાલે, રોયલ ચેલેન્જર્સ બેંગલુરુ (RCB) ની વિજય પરેડ દરમિયાન બેંગલુરુમાં ભાગદોડ થઈ હતી. આ દુ:ખદ અકસ્માતમાં 11 લોકોએ જીવ ગુમાવ્યા હતા. હવે કર્ણાટક હાઈકોર્ટે આ મામલાની સ્વતઃ નોંધ લીધી છે. હાઈકોર્ટ આજે આ મામલાને લગતી અરજી પર સુનાવણી થઇ હતી. કેટલાક મીડિયા રિપોર્ટ્સમાં દાવો કરવામાં આવી રહ્યો છે કે બેંગલુરુ પોલીસ વિજય પરેડના પક્ષમાં નહોતી.

GSTVની એપ્લિકેશન ડાઉનલોડ કરો

   

રિપોર્ટમાં દાવો - પોલીસ આ કાર્યક્રમના પક્ષમાં નહોતી

અહેવાલો અનુસાર કર્ણાટક સરકાર અને કર્ણાટક સ્ટેટ ક્રિકેટ એસોસિએશન (KSCA) વચ્ચેની વાતચીતનો ઉલ્લેખ કર્યો છે અને કહ્યું છે કે બેંગલુરુ પોલીસ RCB સન્માન સમારોહના પક્ષમાં નહોતી. 3 જૂને, KSCA એ DPR ને પત્ર લખીને વિધાનસભાના પગથિયાં પર સન્માન સમારોહ માટે પરવાનગી માંગી હતી. આ પછી, ડીપીઆરએ પોલીસને પત્ર લખીને તેમનો અભિપ્રાય માંગ્યો. પોલીસ વિભાગના સૂત્રોએ જણાવ્યું હતું કે પોલીસ કાર્યક્રમને મંજૂરી આપવાના પક્ષમાં નથી.

આયોજકો સામે ફરિયાદ દાખલ

બેંગલુરુમાં ભાગદોડ મામલે RCB, DNA (ઇવેન્ટ મેનેજર), KSCA વહીવટી સમિતિ અને અન્ય લોકો સામે ક્યુબન પાર્ક પોલીસ સ્ટેશનમાં FIR દાખલ કરવામાં આવી છે. FIRમાં ભાગદોડની ઘટનામાં ગુનાહિત બેદરકારીનો આરોપ મૂકવામાં આવ્યો છે. FIRમાં ભાગદોડની ઘટનામાં ગુનાહિત બેદરકારીનો આરોપ મૂકવામાં આવ્યો છે. FIRમાં કલમ 105, 125 (1)(2), 132, 121/1, 190 r/w 3 (5) લાગુ કરવામાં આવી છે.

https://twitter.com/ANI/status/1930599619181858847

મુખ્યમંત્રી-નાયબ મુખ્યમંત્રી વિરુદ્ધ ફરિયાદ

કર્ણાટકના મુખ્યમંત્રી સિદ્ધારમૈયા, નાયબ મુખ્યમંત્રી ડીકે શિવકુમાર અને ક્રિકેટ બોર્ડના અધિકારીઓ વિરુદ્ધ ભાગદોડ અંગે ફરિયાદ દાખલ કરવામાં આવી છે. સામાજિક કાર્યકર સ્નેહમયી કૃષ્ણાએ કબ્બન પાર્ક પોલીસ સ્ટેશનમાં આ ફરિયાદ નોંધાવી છે. દરેક પર બેદરકારીનો આરોપ લગાવતા કૃષ્ણાએ અજાણતા હત્યાનો કેસ નોંધવાની માંગ કરી છે. ભાગદોડ અંગે અત્યાર સુધીમાં વિવિધ પોલીસ સ્ટેશનોમાં લગભગ 11 એફઆઈઆર નોંધાઈ છે.

મુખ્યમંત્રીએ કહ્યું - આ કાર્યક્રમ અમારો નહીં, પણ ક્રિકેટ એસોસિએશનનો હતો

મુખ્યમંત્રી સિદ્ધારમૈયાએ કહ્યું, "કોઈને આટલી મોટી ભીડની અપેક્ષા નહોતી. સ્ટેડિયમમાં ફક્ત 35,000 લોકોની ક્ષમતા છે, પરંતુ લગભગ 3 લાખ લોકો આવ્યા હતા. અમે કાર્યક્રમનું આયોજન કર્યું ન હતું, ક્રિકેટ એસોસિએશને કર્યું હતું. અમારી ફરજ સુરક્ષા પૂરી પાડવાની હતી. ભીડ જેટલા લોકો પાસ આપવામાં આવ્યા હતા તેટલી હોવી જોઈએ. જો વધુ લોકો આવે તો આપણે શું કરી શકીએ? તપાસમાં શું મળે છે તે જોઈએ."

હાઈકોર્ટે હસ્તક્ષેપ કર્યો, એજીએ કાર્યવાહીનું વચન આપ્યું

ન્યાયિક હસ્તક્ષેપ ઇચ્છતા વકીલે કાર્યકારી મુખ્ય ન્યાયાધીશ વી. કામેશ્વર રાવ અને ન્યાયાધીશ સી.એમ. જોશીની બેન્ચ સમક્ષ આ બાબતને તાત્કાલિક ગણાવી. રાજ્યનું પ્રતિનિધિત્વ કરતા એડવોકેટ જનરલ શશી કિરણ શેટ્ટીએ કોર્ટને ખાતરી આપી કે તમામ જરૂરી પગલાં લેવામાં આવી રહ્યા છે અને વિગતવાર તથ્યપૂર્ણ અહેવાલ રજૂ કરવામાં આવશે. શેટ્ટીએ બેન્ચને જણાવ્યું. "આ કોઈ વિરોધી કેસ નથી. રાજ્યના કોઈપણ નાગરિકની જેમ અમે ચિંતિત છીએ. અમે જે કરવામાં આવ્યું છે તે રજૂ કરીશું અને અમે કોઈપણ સૂચનો માટે ખુલ્લા છીએ." 

ભાગદોડ કેવી રીતે થઈ?

IPL વિજેતા બન્યા પછી RCBનો સન્માન સમારોહ અને વિજય પરેડ બેંગલુરુમાં યોજાઈ હતી. ટીમ એરપોર્ટથી સીધી વિધાનસભા પહોંચી જ્યાં ખેલાડીઓનું સન્માન કરવામાં આવ્યું. આ પછી, ટીમને ચિન્નાસ્વામી સ્ટેડિયમ જવું પડ્યું. વિધાનસભાથી સ્ટેડિયમ સુધી લગભગ 3 લાખ લોકો ભેગા થયા. આ દરમિયાન, સ્ટેડિયમમાં પ્રવેશવા માટે ઝપાઝપી થઈ અને ભાગદોડ જેવી સ્થિતિ સર્જાઈ. આમાં 11 લોકોના મોત થયા અને 33 લોકો ઘાયલ થયા.

મૃતકોના પરિવારજનોને 10 લાખ રૂપિયાના વળતરની જાહેરાત

મુખ્યમંત્રી સિદ્ધારમૈયાએ ભાગદોડમાં માર્યા ગયેલા લોકોના પરિવારજનોને 10 લાખ રૂપિયાની નાણાકીય સહાયની જાહેરાત કરી છે. કર્ણાટકના ગૃહમંત્રી જી પરમેશ્વરે એક મહત્વપૂર્ણ બેઠક બોલાવી છે. તેમાં બેંગલુરુ પોલીસ કમિશનર, વરિષ્ઠ પોલીસ અધિકારીઓ અને કેએસસીએ અધિકારીઓ હાજરી આપશે. ભાગદોડમાં ઘાયલ થયેલા લોકોની બોરિંગ હોસ્પિટલમાં સારવાર ચાલી રહી છે. ઘટના પર દુઃખ વ્યક્ત કરતા આરસીબીએ કહ્યું, "અમે એવા પરિવારો પ્રત્યે સંવેદના વ્યક્ત કરીએ છીએ જેમણે પોતાના પ્રિયજનો ગુમાવ્યા છે."