Last Update :
22 Apr 2025
24 વર્ષીય યુવક કન્નન તમિઝસેલ્વને નવ વર્ષના બાળકને વીજળીના આંચકાથી બચાવવા માટે પોતાનો જીવ જોખમમાં મૂક્યો. આ હૃદયદ્રાવક ઘટના 16 એપ્રિલના રોજ તમિલનાડુના ચેન્નઈના અરુમ્બક્કમ વિસ્તારમાં બની હતી, જેના સીસીટીવી ફૂટેજ હવે સોશિયલ મીડિયા પર ઝડપથી વાયરલ થઈ રહ્યા છે. આ યુવાનના હિંમતવાન કાર્યની પ્રશંસા કરી રહ્યા છે. વાયરલ ફૂટેજમાં એક સ્કૂલનો બાળક પાણી ભરાયેલા રસ્તા પર વીજળીનો કરંટ લાગવાથી પીડાથી કણસતો જોવા મળે છે. પછી તમિઝસેલ્વન એક દેવદૂત જેમ પ્રવેશ કરે છે અને બાળકને મૃત્યુના મુખમાંથી બચાવે છે.
GSTVની એપ્લિકેશન ડાઉનલોડ કરો
વાયરલ થયેલા સીસીટીવી ફૂટેજમાં જોઈ શકાય છે કે જે સમયે બાળક પડી ગયું હતું, તે સમયે તમિઝસેલ્વન તેની બાઇક પર ત્યાંથી પસાર થઈ રહ્યો હતો. આ પછી ડર્યા વગર તેણે બાઇક રોકી અને તરત જ ઇલેક્ટ્રિક શોકથી પીડાતા માસૂમ બાળકને પાણીમાંથી બહાર કાઢ્યું. આ વિડિયોએ માનવતા અને બહાદુરીનું એક નવું ઉદાહરણ સ્થાપિત કર્યું છે.
રિપોર્ટ અનુસાર, ધોરણ 3 માં ભણતો આ બાળક વરસાદી પાણીથી ભરેલો રસ્તો ક્રોસ કરીને ઘરે જઈ રહ્યો હતો. પરંતુ જંકશન બોક્સ પાસે પહોંચતાની સાથે જ તેનું પગ એક ખુલ્લા વાયર પર પડી ગયું, જેના કારણે તે પાણીમાં પડી ગયો. વિડિયોમાં તમે જોશો કે બાળક વીજળીના સંપર્કમાં આવતાની સાથે જ નીચે પડી જાય છે અને હલનચલન કરવાનું બંધ કરી દે છે. ત્યાં બીજો એક સ્કૂટર સવાર પણ હાજર હતો, પરંતુ તમિઝસેલ્વન એકમાત્ર વ્યક્તિ હતો જે વિચાર્યા વિના બાઇક પરથી ઉતરી ગયો અને માસૂમ બાળકને બચાવવા દોડ્યો.
