Last Update :
26 Mar 2025
કેનેડાના કેલગરીનો એક ખૂબ જ ચોંકાવનારો વિડિયો સોશિયલ મીડિયા પર વાયરલ થયો છે. જેમાં બો વેલી કોલેજ ટ્રેન સ્ટેશનના પ્લેટફોર્મ પર એક વ્યક્તિ એક છોકરીને હિંસક રીતે ધક્કો મારતો જોઈ શકાય છે. આ ઘટનાનો વિડિયો ઈન્ટરનેટ પર ઝડપથી વાયરલ થઈ રહ્યો છે. સોશિયલ મીડિયાની ઘણી પોસ્ટમાં એવો દાવો કરવામાં આવ્યો છે કે જે છોકરી પર જાહેરમાં હુમલો કરવામાં આવ્યો છે તે ભારતીય છે.
GSTVની એપ્લિકેશન ડાઉનલોડ કરો
વાયરલ થઈ રહેલા વિડિયોમાં જોઈ શકાય છે કે બ્લુ જેકેટ અને ડાર્ક બ્રાઉન પેન્ટ પહેરેલા એક વ્યક્તિએ સ્ટેશન પર ઉભેલી યુવતી પર હિંસક હુમલો કર્યો હતો. આ વ્યક્તિએ પહેલા યુવતીનું ગળું દબાવ્યું હતું.
વિડિયોમાં તમે જોશો કે છોકરી ડરથી ચીસો પાડવા લાગે છે. પ્લેટફોર્મ પર ઘણા લોકો હાજર છે, પરંતુ કોઈએ હુમલાખોરને રોકવા અથવા છોકરીની મદદ કરવા માટે કોઈ પગલું ભર્યું નથી. દરમિયાન, તે વ્યક્તિ ફોન લીધા વિના ત્યાંથી નીકળી જાય છે. આ પછી યુવતીએ તરત જ પોલીસને હુમલાની જાણ કરી.
'શું આ હુમલો નસ્લીય રીતે પ્રેરિત હતો?'
કેલગરીના સિટી ન્યૂઝ એવરીવેયર અનુસાર, હુમલાખોરને અડધા કલાકમાં ઈસ્ટ વિલજમાંથી પકડી લેવામાં આવ્યો હતો. આરોપીની ઓળખ બ્રેડન જોસેફ જેમ્સ ફ્રેન્ચ તરીકે થઈ છે. જો કે, ટોળાએ છોકરીને મદદ કરવાનો ઇનકાર કર્યો હતો, જે ભારતીય હોવાનું દેખાતું હતું, તેના વિડિયોએ ઘણાને આશ્ચર્યમાં મૂકી દીધા હતા કે શું હુમલો નસ્લીય રીતે પ્રેરિત હતો. જોકે, પોલીસે આ વાતને નકારી કાઢી છે.
