બીજા વિશ્વયુદ્ધથી આજ સુધીમાં શનિ-રાહુની યુતિ થઈ ત્યારે કોઈને કોઈ મોટી ઘટનાઓ ઘટી!

( કુલદીપ કારિયા – એસ્ટ્રોલોજિસ્ટ )

શનિ-રાહુ લોઅર લેવલની એનર્જી દર્શાવતા ગ્રહો છે. આ બંને ગ્રહોની યુતિ થાય ત્યારે માનસ ઉશ્કેરાય છે, હિંસા વધે છે, વૈચારિક વલણ જડ બને છે. આક્રોશ વધે છે, આંદોલનો થાય છે અને યુદ્ધ કે રમખાણ પણ થતા હોય છે. જોકે કેટલાક પોઝીટીવ ચેન્જીસ પણ આવતા હોય છે જેમ કે નવા સંશોધનો થાય છે અને અર્થ વ્યવસ્થામાં મોટા પરિવર્તનો આવે છે.

GSTVની એપ્લિકેશન ડાઉનલોડ કરો

   

બીજા વિશ્વયુદ્ધથી લઈને આજ સુધીમાં જ્યારે પણ શનિ-રાહુનિ યુતિ થઈ ત્યારે કઈ-કઈ ઘટનાઓ ઘટી તેની સૂચિ આ પ્રમાણે છે.

1) 12 ઓક્ટોબર 1944 – 22 સપ્ટેમ્બર 1945 ( આ સયમગાળામાં શનિ-રાહુની મિથુનમાં યુતિ થઈ હતી.)

ભારત:
* ભારતીય સૈનિકોએ બીજા વિશ્વયુદ્ધમાં સાથી દેશોની સેનાઓ સાથે બર્મા અને ઉત્તર આફ્રિકામાં ભાગ લીધો.
* 1943ના બંગાળ દુકાળની અસરો ચાલુ રહી, વ્યાપક ગરીબી ફેલાઈ.
* ગાંધી-જિન્નાહ વાટાઘાટો (સપ્ટેમ્બર 1944) હિન્દુ-મુસ્લિમ એકતા માટે નિષ્ફળ રહી.

વિશ્વ:
* સાથી દેશોએ પેરિસ મુક્ત કર્યું (ઓગસ્ટ 1944); બેટલ ઓફ બલ્જ (ડિસેમ્બર 1944 – જાન્યુઆરી 1945).
* યાલ્ટા પરિષદ (ફેબ્રુઆરી 1945) યુદ્ધ પછીના યુરોપનું આયોજન કર્યું.
* જર્મનીએ આત્મસમર્પણ કર્યું (7–8 મે 1945); VE ડે ઉજવાયો.
* હિરોશિમા (6 ઓગસ્ટ 1945) અને નાગાસાકી (9 ઓગસ્ટ 1945) પર અણુબોમ્બ ફેંકાયા; જાપાને આત્મસમર્પણ કર્યું (15 ઓગસ્ટ 1945).
* સંયુક્ત રાષ્ટ્રની રચના થઈ. (26 જૂન 1945).
______________

2) 12 નવેમ્બર 1955 – 7 માર્ચ 1957 (વૃશ્ચિક રાશિમાં યુતિ)

ભારત:
* રાજ્ય પુનર્ગઠન અધિનિયમ (1956) દ્વારા ભાષાકીય આધારે રાજ્યોનું પુનર્ગઠન (જેમ કે આંધ્રપ્રદેશ, કેરળ).
* બીજી પંચવર્ષીય યોજના (1956) ઔદ્યોગિકરણ પર ધ્યાન કેન્દ્રિત કર્યું.
* સુએઝ સંકટ (1956) દરમિયાન ભારતે બ્રિટન-ફ્રાન્સ-ઇઝરાયેલના આક્રમણની નિંદા કરી.

વિશ્વ:
* સુએઝ સંકટ (ઓક્ટોબર–નવેમ્બર 1956): બ્રિટન, ફ્રાન્સ, ઇઝરાયેલે ઇજિપ્ત પર હુમલો કર્યો; અમેરિકા-સોવિયેતે યુદ્ધવિરામ ફરજિયાત કર્યો.
* હંગેરિયન ક્રાંતિ (ઓક્ટોબર–નવેમ્બર 1956) સોવિયેત દળોએ દબાવી.
* શીત યુદ્ધની તીવ્રતા વધી; ન્યુક્લિઅર રેસ થઈ.
* અવકાશ યુગની તૈયારી શરૂ (સ્પુટનિક 1957માં લોન્ચ થયું).
______________

3) 12 જાન્યુઆરી 1968 – 17 જૂન 1968, 28 સપ્ટેમ્બર 1968 – 7 માર્ચ 1969 (મીન)

ભારત:
* કોંગ્રેસ પાર્ટીમાં આંતરિક વિભાજન; ઇન્દિરા ગાંધીએ સત્તા મજબૂત કરી.
* હરિત ક્રાંતિએ ઉચ્ચ ઉત્પાદનના બીજથી ખાદ્ય ઉત્પાદન વધાર્યું.
* નક્સલવાદી ચળવળ નક્સલબારી (1967) પછી ફેલાઈ.

વિશ્વ:
* અમેરિકા-વિયેતનામ યુદ્ધ વકર્યું.
* માર્ટિન લ્યુથર કિંગ જુનિયરની હત્યા (4 એપ્રિલ 1968); રોબર્ટ ફ. કેનેડીની હત્યા (5 જૂન 1968).
* ચેકોસ્લોવેકિયામાં પ્રાગ સ્પ્રિંગના નામથી શરૂ થયેલું આંદોલન (જાન્યુઆરી–ઓગસ્ટ 1968) સોવિયેતે કચડ્યું.
* ફ્રાન્સમાં વિદ્યાર્થી-કામદાર હડતાળ (મે 1968).
______________

4) 18 નવેમ્બર 1978 – 3 નવેમ્બર 1979 (સિંહ)

ભારત:
* જનતા પાર્ટીની સરકાર (મોરારજી દેસાઈ) 1979માં તૂટી; ચરણ સિંહ ટૂંક સમય માટે PM બન્યા.
* ઉચ્ચ ફુગાવો અને બળતણની અછતે અર્થતંત્રને નેગેટીવ અસર કરી.
વિશ્વ:
* ઇરાની ક્રાંતિ (ફેબ્રુઆરી 1979)એ ઇસ્લામિક રિપબ્લિક સ્થાપ્યું; તેલ સંકટ ઊભું થયું.
* સોવિયેતે અફઘાનિસ્તાન પર આક્રમણ કર્યું (ડિસેમ્બર 1979), શીત યુદ્ધ વધ્યું.
* થ્રી માઈલ આઈલેન્ડ અણુ અકસ્માત (માર્ચ 1979)એ સલામતી ચિંતા ઊભી કરી.
______________

5) 20 માર્ચ 1990 – 20 જૂન 1990, 14 ડિસેમ્બર 1990 – 13 એપ્રિલ 1991 (મકર)

ભારત:
* મંડલ કમિશનના અમલ (1990)એ OBC આરક્ષણ આંદોલન ઊભું કર્યું.
* કાશ્મીરમાં ઉગ્રવાદ વધ્યો; કાશ્મીરી પંડિતોનું વિસ્થાપન થયું. 
* ભારતમાં આર્થિક સંકટ ઊભું થયું; માત્ર 15 દિવસનું વિદેશી હુંડિયામણ બચ્યું.
* વી.પી. સિંહની સરકાર પડી (નવેમ્બર 1990); ચંદ્રશેખર PM બન્યા.

વિશ્વ:
* નેલ્સન મંડેલા મુક્ત થયા (ફેબ્રુઆરી 1990), રંગભેદનો અંત શરૂ.
* જર્મનીનું પુનઃએકીકરણ (3 ઓક્ટોબર 1990).
* ઇરાકે કુવૈત પર આક્રમણ કર્યું (ઓગસ્ટ 1990), ગલ્ફ યુદ્ધની તૈયારી.
* સોવિયેત યુનિયનમાં અરાજકતા; બાલ્ટિક રાજ્યો સ્વતંત્રતા માંગતા હતા.
______________

6) 16 ફેબ્રુઆરી 2002 – 23 જુલાઈ 2002, 8 જાન્યુઆરી 2003 – 7 એપ્રિલ 2003 (વૃષભ)

ભારત:
* ગોધરા કાંડ થયો અને ત્યાર બાદ ગુજરાતમાં રમખાણ થયા.
* 2001ના સંસદ હુમલા પછી ભારત-પાકિસ્તાન તણાવ વધ્યો; અણુયુદ્ધનો ભય.
* IT અને સેવા ક્ષેત્રે આર્થિક વૃદ્ધિને આગળ ધપાવી.

વિશ્વ:
* 9/11 પછી આતંકવાદ વિરોધી યુદ્ધ ચાલ્યું; અફઘાનિસ્તાન આક્રમણ ચાલુ.
* યુરો ચલણ 12 યુરોપિયન દેશોમાં દાખલ થયું (1 જાન્યુઆરી 2002).
* અમેરિકા-યુકે ઇરાક આક્રમણની તૈયારી કરી (2003).
______________

7) 23 ડિસેમ્બર 2012 – 12 જુલાઈ 2014 (તુલા)

ભારત:
* દિલ્હી ગેંગરેપ (ડિસેમ્બર 2012)એ વિરોધ ઉભો કર્યો; કાયદાકીય સુધારા (2013).
* નરેન્દ્ર મોદીએ ભાજપને 2014ની ચૂંટણીમાં જીત અપાવી; PM બન્યા.
* ઉચ્ચ ફુગાવો અને ધીમી વૃદ્ધિ; FDI સુધારા થયા.

વિશ્વ:
* સીરિયન ગૃહયુદ્ધ વધ્યું; લાખો વિસ્થાપિત થયા.
* રશિયાએ ક્રીમિયા હડપ કર્યું (માર્ચ 2014).
* ISISએ ખિલાફત જાહેર કરી (જૂન 2014).
______________

8 ) 29 માર્ચ 2025 – 18 મે 2025 (મીન)

29મી માર્ચ 2025 પછી આપણે શું-શું જોઈ ચૂક્યા છીએ એ વિશે મારે કંઈ કહેવાની જરૂર નથી. ટેરિફ વોર અને કાશ્મીર હુમલો આપણે જોઈ ચૂક્યા છીએ. કાશ્મીરી પંડિતોનું પલાયન હોય કે કાશ્મીરમાં આતંકી હુમલો બંને શનિ-રાહુની યુતિમાં થયા. જૂન-જુલાઈમાં મંગળ-કેતુની યુતિ થવાની છે, જે પ્રથમ વિશ્વયુદ્ધની શરૂઆત વખતે પણ થઈ હતી. ઈશ્વરને પ્રાર્થના કરીએ કે આપણો દેશ અને આપણો સમાજ તથા સમગ્ર વિશ્વમાં શાંતિ અને પ્રગતિની રાહ પર આગળ વધે.

જર્મનીના આત્મ સમર્પણથી લઈને એકીકરણ સુધીની ઘટના શનિ-રાહુની યુતિના છત્ર હેઠળ ઘટી.

શનિ-રાહુ યુતિ દરમિયાન કેટલાક પોઝીટીવ ચેન્જીસ પણ આવ્યા છે, જેમ કે હરિત ક્રાંતિ થવી, સ્પેસ રેસ થવી, ભારતનું ઇકોનોમિક લિબરલાઇઝેશન થવું. યુરોનો ફેલવા થવો વગેરે.

ઇન શોર્ટ, શનિ-રાહુની યુતિ માનસ ઉશ્કેરવા જેવી નેગેટીવ ઘટનાઓને ટ્રિગર કરી હિંસા પ્રેરે છે તો સાથોસાથ સમાજમાં, વિજ્ઞાન ક્ષેત્રમાં અને આર્થિક ક્ષેત્રે મોટા અને સકારાત્મક પરિવર્તનો લાવવામાં મદદરૂપ થાય છે. આથી બહુ નેગેટીવ થઈને હિંમત ન હારવી. આભાર.