America/ એલોન મસ્ક વિરુદ્ધ હજારો લોકો રસ્તા પર ઉતર્યા, ટેસ્લાની અનેક કાર સળગાવી

યુએસ રાષ્ટ્રપતિ ડોનાલ્ડ ટ્રમ્પના નજીકના સહાયક એલોન મસ્ક આ દિવસોમાં મુશ્કેલીઓનો સામનો કરી રહ્યા છે. યુએસ સરકારમાં કાર્યક્ષમતા વિભાગના વડા તરીકે કાર્યરત મસ્ક સામે વિશ્વભરમાં વિરોધ પ્રદર્શનો તીવ્ર બન્યા છે. શનિવારે હજારો લોકો રસ્તા પર ઉતરી આવ્યા હતા અને મસ્ક વિરુદ્ધ સૂત્રોચ્ચાર કર્યા હતા. આ દરમિયાન લોકોએ ટેસ્લા કારને નિશાન બનાવી. લોકોએ ઘણી ટેસ્લા કારને આગ ચાંપી દીધી. અમેરિકા ઉપરાંત બ્રિટન અને જર્મની જેવા દેશોમાં પણ લોકો મસ્કથી નારાજ છે.

GSTVની એપ્લિકેશન ડાઉનલોડ કરો

   

લોકો DOGE ચીફ તરીકે મસ્કની નીતિઓનો વિરોધ કરવા માટે આ પગલું ભરી રહ્યા છે. લોકોનું કહેવું છે કે મસ્કે આ વિભાગ હેઠળ કામ કરતા લોકોની સંવેદનશીલ માહિતી મેળવી છે અને સરકારી ખર્ચમાં ઘટાડો થવાનું કારણ આપીને એજન્સીઓ બંધ કરી દીધી છે. આના કારણે, એક જ ઝટકામાં હજારો લોકોએ પોતાની નોકરી ગુમાવી દીધી છે અને લાખો લોકો પ્રભાવિત થયા છે.

ટેસ્લાના શોરૂમને નિશાન બનાવવામાં આવ્યું હતું

આ પણ વાંચો :

એલોન મસ્કે X વેચ્યું; 33 અબજ ડોલરમાં કર્યો સોદો; જાણો કોણે ખરીદ્યું 

શું એલોન મસ્ક DOGE ટીમમાંથી રાજીનામું આપશે? જાણો તેમણે શું કહ્યું અને તેમની ભવિષ્યની યોજના

લોકો એલોન મસ્કના આ પગલાંથી ખૂબ ગુસ્સે છે અને તેથી જ તેઓ મસ્કની મિલકતને નિશાન બનાવી રહ્યા છે. વિશ્વના સૌથી ધનિક વ્યક્તિ, એલોન મસ્ક, તેમની અંદાજિત $340 બિલિયન સંપત્તિમાંથી સૌથી મોટો હિસ્સો ટેસ્લા કંપનીના શેરમાં ધરાવે છે. શનિવારે, અમેરિકામાં ટેસ્લાના તમામ 277 શોરૂમ અને કેન્દ્રો પર એક વિશાળ ટોળાએ હુમલો કર્યો. ટેક્સાસ, ન્યુ જર્સી, મેસેચ્યુસેટ્સ, કનેક્ટિકટ, ન્યુ યોર્ક, મિનેસોટા અને યુએસના અન્ય ઘણા ભાગોમાં સેંકડો વિરોધીઓએ ટેસ્લા ડીલરશીપની બહાર દેખાવો કર્યા.

https://twitter.com/WintersPolitics/status/1906049298653147513

લોકો સૂત્રોચ્ચાર કરતા જોવા મળ્યા

આ પ્રદર્શનને લગતા ઘણા વીડિયો સોશિયલ મીડિયા પર વાયરલ થઈ રહ્યા છે, જેમાં લોકો 'ટેસ્લાને બાળો, લોકશાહી બચાવો', 'મસ્કથી અમેરિકાને મુક્ત કરો', 'નાઝી કાર ન ખરીદો' જેવા પોસ્ટરો લઈને ફરતા જોવા મળે છે. શિકાગોના એક શોરૂમની બહાર કેટલાક ડઝન લોકોએ "એલોન મસ્કને જવું પડશે!" ના નારા લગાવ્યા. જેવા સૂત્રોચ્ચાર કરવામાં આવ્યા છે. બ્રિટનમાં પણ, મસ્કના નિર્ણય સામે વિરોધીઓએ 'નાઝી કાર ન ખરીદો', 'નાદાર એલોન' વગેરે જેવા સૂત્રોચ્ચાર કર્યા. કેટલાક વિરોધીઓએ ટેસ્લા કારને આગ ચાંપી દીધી હોવાના અહેવાલ છે.

મસ્કને રાષ્ટ્રપતિનો ટેકો છે

અમેરિકામાં પહેલા પણ ટેસ્લાની કારને નિશાન બનાવવામાં આવી છે. મસ્કે કહ્યું છે કે તેઓ આ હુમલાઓથી આઘાત પામ્યા છે અને આ ગાંડપણ તાત્કાલિક બંધ થવું જોઈએ. તે જ સમયે, યુએસ રાષ્ટ્રપતિ ડોનાલ્ડ ટ્રમ્પ પણ એલોન મસ્કને ટેકો આપતા જોવા મળે છે. તેમણે કહ્યું છે કે ટેસ્લા વાહનો પર હુમલો કરનારાઓ સામે કડક કાર્યવાહી કરવામાં આવશે અને તેમને 20 વર્ષ સુધીની જેલમાં મોકલવામાં આવશે.