Last Update :
02 Jul 2025
છેલ્લા કેટલાક દિવસોથી અમેરિકાથી ભારત સુધી હેડલાઇન્સમાં રહેલા ભારતીય મૂળના નેતા ઝોહરાન મમદાનીએ (Zohran Mamdani) ન્યૂ યોર્ક શહેરના ડેમોક્રેટિક મેયર પ્રાઇમરીમાં જીત મેળવી છે. મંગળવારે જાહેર થયેલા નવા મતોની ગણતરી બાદ તેમની જીતની પુષ્ટિ થઈ ગઈ છે. આ ચૂંટણીમાં મામદાનીએ ભૂતપૂર્વ ગવર્નર એન્ડ્રુ કુઓમોને હરાવ્યા હતા.
GSTVની એપ્લિકેશન ડાઉનલોડ કરો
પરિણામો બહાર આવે તે પહેલાં જ મામદાનીની જીતની અપેક્ષા હતી. અગાઉ, ગયા અઠવાડિયે મતદાન પૂર્ણ થયા પછી, તેમણે તેમના પ્રતિસ્પર્ધી સામે લીડ મેળવી હતી અને શહેરના 'રેન્ક્ડ ચોઇસ વોટિંગ મોડેલ' હેઠળ ફરીથી ગણતરી ટાળવા માટે જરૂરી 50 ટકા મતોથી થોડા મત પાછળ હતા. હવે મમદાની સામાન્ય ચૂંટણી લડશે.
ટ્રમ્પે ફરીથી તેમને સામ્યવાદી કહ્યા
આ દરમિયાન, યુએસ પ્રમુખ ડોનાલ્ડ ટ્રમ્પે કહ્યું છે કે મમદાની સામ્યવાદી છે અને સંપૂર્ણપણે પાગલ છે. આ દરમિયાન, ટ્રમ્પે એમ પણ કહ્યું કે જો તેઓ ચૂંટાઈ આવશે, તો તેઓ તેમની સાથે ખૂબ મજા કરશે. મંગળવારે પરિણામો જાહેર થયા પહેલા મીડિયા સાથે વાત કરતા ટ્રમ્પે કહ્યું, "મને લાગે છે કે તેઓ ખૂબ જ ખરાબ છે. તેઓ સામ્યવાદી છે. અમને સામ્યવાદીઓની બિલકુલ જરૂર નથી."
યુએસ પ્રમુખની ધમકી
ટ્રમ્પે મમદાની માટે કેટલાક અપશબ્દોનો પણ ઉપયોગ કર્યો. તેમણે કહ્યું, "મને લાગે છે કે આ એક ખરાબ સમાચાર છે અને મને તેમને જોવાની મજા આવશે કારણ કે તેમને તેમના પૈસા લેવા માટે વ્હાઇટ હાઉસ આવવું પડશે. ટ્રમ્પે આગળ કહ્યું, "સાચું કહું તો, મેં સાંભળ્યું છે કે તેઓ સંપૂર્ણપણે પાગલ છે." ટ્રમ્પે એવી પણ ધમકી આપી છે કે જો મમદાની મેયર તરીકે ચૂંટાયા પછી સારું કામ નહીં કરે, તો તેઓ ન્યુ યોર્ક સિટીને સરકારી ભંડોળ બંધ કરી દેશે. ટ્રમ્પે કહ્યું, "જો તે જીતે છે, તો હું રાષ્ટ્રપતિ છું." તેમણે યોગ્ય કાર્ય કરવું પડશે, નહીં તો તેમને કોઈ પૈસા નહીં મળે."
Zohran Mamdani કોણ છે?
નોંધનીય છે કે Zohran Mamdani ભારતીય મૂળના છે. 33 વર્ષીય મમદાની પ્રખ્યાત ફિલ્મ નિર્માતા મીરા નાયરના પુત્ર છે. ગયા અઠવાડિયે મેયર પદ માટે ડેમોક્રેટિક પ્રાઇમરીમાં પોતાની જીતની જાહેરાત કર્યા પછી તેમણે લોકોનું ધ્યાન ખેંચ્યું હતું. મમદાની હવે ન્યૂ યોર્ક શહેરના પ્રથમ ભારતીય અમેરિકન અને મુસ્લિમ બની શકે છે. મમદાની 2020 માં પહેલીવાર ન્યૂ યોર્ક એસેમ્બલીમાં ચૂંટાયા હતા અને ત્યારથી બે વાર જીત્યા છે. તેઓ ડેમોક્રેટિક સમાજવાદી વિચારધારા સાથે સંકળાયેલા છે અને તેમના નિવેદનોને કારણે ઘણીવાર સમાચારમાં રહે છે.
