Last Update :
12 Apr 2025
પણા દેશમાં મેળાઓનો એક અલગ જ ક્રેઝ જોવા મળે છે. સ્વાદિષ્ટ ફૂડ ખાવાની સાથે લોકોને ઝૂલવાની મજા પણ ગમે છે. આ જ કારણ છે કે લોકો ઈચ્છા ન હોવા છતાં મેળામાં જાય છે. જો કે, મેળામાં થતા ઝૂલાઓને (swing) લઈને ઘણી વખત આવી બાબતો જોવા મળે છે. જેને જોયા પછી કોઈને પણ પોતાની આંખો પર વિશ્વાસ નથી આવતો. આવો જ એક વિડિયો આ દિવસોમાં લોકોમાં ચર્ચાનો વિષય બન્યો છે. આ જોયા પછી તમે ચોક્કસ ડરી જશો.
GSTVની એપ્લિકેશન ડાઉનલોડ કરો
સ્વિંગ પર ઝૂલવું (swing)એ હંમેશા સાહસિક પ્રવૃત્તિ હોય છે, પરંતુ જો સ્વિંગ જમીનથી કેટલાક ફૂટની ઊંચાઈએ અટકી જાય તો વ્યક્તિનો જીવ જોખમમાં હોય છે કારણ કે અકસ્માતની શક્યતાઓ નોંધપાત્ર રીતે વધી જાય છે. આસામનો આવો જ એક વિડિયો સોશિયલ મીડિયા પર જોવા મળ્યો હતો, જ્યાં એક વ્યક્તિ હવામાં સ્ટંટ કરતી રાઇડમાંથી અચાનક પડી ગયો હતો અને જ્યારે તેનો વિડિયો સોશિયલ મીડિયા પર વાયરલ થયો ત્યારે બધા ચોંકી ગયા હતા કારણ કે આવી ઘટનાની કોઈને અપેક્ષા નહોતી.
વાયરલ થઈ રહેલો આ વિડિયો આસામના લુમડિંગમાં શીતલા પૂજા મેળાનો હોવાનું કહેવાય છે. જ્યાં 4થી એપ્રિલની સાંજે એક વ્યક્તિ એડવેન્ચર રાઈડ (Adventure ride) પરથી નીચે પડી ગયો હતો. આ ઘટના અંગે કહેવામાં આવી રહ્યું છે કે રાઈડ દરમિયાન તેનો સેફ્ટી બેલ્ટ એટલે કે હાર્નેસ ફેઈલ થઈ ગયો હતો. આ અકસ્માત બાદ મેળામાં નાસભાગ મચી ગઈ હતી. જે બાદ વ્યક્તિને લુમડિંગ રેલવે હોસ્પિટલમાં લઈ જવામાં આવ્યો હતો.
મીડિયા રિપોર્ટ અનુસાર, એવું લાગતું ન હતું કે તે બચી જશે, પરંતુ બાદમાં જાણવા મળ્યું કે તે જીવિત છે, જોકે તેના શરીર પર ગંભીર ઈજાઓ થઈ હતી. આ વિડિયો જોયા બાદ લોકો ખૂબ જ આશ્ચર્યચકિત થઈ રહ્યા છે અને અલગ-અલગ કોમેન્ટ કરીને પોતાની પ્રતિક્રિયા આપી રહ્યા છે. એક યુઝરે લખ્યું કે આથી મેળામાં વગર વિચાર્યે ઝૂલા (swing) પર ઝૂલવું જોઈએ નહીં. જ્યારે બીજાએ લખ્યું કે આ વ્યક્તિનું નસીબ સારૂ હતું, નહીં તો તેના માટે બચવું મુશ્કેલ હતું.
