Last Update :
25 Jun 2025
મધ્ય પૂર્વમાં તણાવના કારણે આંતરરાષ્ટ્રીય સ્તરે સોનાની કિંમતમાં મોટો ઘટાડો જોવા મળ્યો છે. તેમાં 50 ડોલર પ્રતિ ઔંસનો મોટો ઘટાડો નોંધાયો, જોકે ભારતીય બજારમાં તેની ખાસ અસર જોવા મળી નથી. MCX પર સોનું નાની વૃદ્ધિ સાથે વેપાર કરતું જોવા મળ્યું, પરંતુ રિટેલમાં તેની કિંમતમાં થોડો ઘટાડો જોવા મળ્યો છે.
GSTVની એપ્લિકેશન ડાઉનલોડ કરો
સોનું કેટલું સસ્તું થયું?
અમેરિકી રાષ્ટ્રપતિ ડોનાલ્ડ ટ્રમ્પના ઇઝરાયેલ-ઈરાન તણાવને ખતમ કરવા માટે સીઝફાયરની જાહેરાતથી બજારમાં અનિશ્ચિતતાનું વાતાવરણ છે. આ અસ્થિર ભૂ-રાજનીતિક માહોલને કારણે સોનાને મોટો ઝટકો લાગ્યો છે. 24 જૂન પછી આજે પણ આંતરરાષ્ટ્રીય સ્તરે સોનામાં મોટો ઘટાડો જોવા મળ્યો. સોનું 1.47% એટલે કે લગભગ 50 ડોલર પ્રતિ ઔંસ ગગડીને 3,330 ડોલર પ્રતિ ઔંસ પર વેપાર કરતું જોવા મળ્યું. જોકે, ભારતીય બજારમાં તેની મિશ્ર અસર જોવા મળી.
MCX પર 25 જૂનના રોજ સોનું 346 રૂપિયાની નાની વૃદ્ધિ સાથે 97,369 રૂપિયા પ્રતિ 10 ગ્રામ પર વેપાર કરતું જોવા મળ્યું, જ્યારે ચાંદી 379 રૂપિયાની વૃદ્ધિ સાથે 105,296 રૂપિયા પ્રતિ કિલો પર પહોંચી. જોકે, રિટેલ સ્તરે સોનાના ભાવમાં થોડો ઘટાડો જોવા મળ્યો. તનિષ્કની વેબસાઇટ મુજબ, આજે 24 કેરેટ સોનાની કિંમત 96,650 રૂપિયા પ્રતિ 10 ગ્રામ નોંધાઈ, જે 24 જૂનના રોજ 101,130 રૂપિયા પ્રતિ 10 ગ્રામ હતી. જ્યારે 22 કેરેટ સોનાનો ભાવ આજે 91,350 રૂપિયા નોંધાયો, જે 24 જૂનના રોજ 92,700 રૂપિયા પ્રતિ 10 ગ્રામ હતો. એટલે કે ગઈકાલની સરખામણીએ આજે તેમાં થોડો ઘટાડો નોંધાયો.
સોનામાં ઘટાડો કેમ આવ્યો?
ટ્રમ્પની યુદ્ધવિરામની જાહેરાત બાદ મંગળવારે સોનાની કિંમતોમાં ભારે ઘટાડો જોવા મળ્યો હતો. આંતરરાષ્ટ્રીય સ્તરે સોનું 0.47% ગગડીને 3,352.87 ડોલર પ્રતિ ઔંસ પર પહોંચી ગયું હતું. MCX પર પણ સોનું શરૂઆતના વેપારમાં 1,226 રૂપિયા ગગડીને 98,162 રૂપિયા પ10 ગ્રામ પર પહોંચ્યું હતું. નિષ્ણાતોના મતે, સીઝફાયરના થોડા કલાકો બાદ તેહરાનમાં થયેલા વિસ્ફોટે બજારના સેન્ટિમેન્ટને અસર કરી. જેની અસર સોના પર પણ જોવા મળી. સીઝફાયરથી રોકાણકારો બજારમાં રોકાણ કરવાનું મન બનાવવા લાગ્યા, જ્યારે સોનાની માંગ ઘટી, જેના કારણે તે નીચે ગગડ્યું. સોનામાં ઘટાડાનો આ સિલસિલો બુધવારે પણ ચાલુ રહ્યો.
