આસામમાં 171 ફેક એન્કાઉન્ટર કિલિંગનો આરોપ, સુપ્રીમ કોર્ટે આપ્યા તપાસના આદેશ

સુપ્રીમ કોર્ટે માનવ અધિકાર પંચને આસામમાં થયેલા 171 નકલી એન્કાઉન્ટર હત્યાઓની નિષ્પક્ષ તપાસ કરવાનો આદેશ આપ્યો છે. સુપ્રીમ કોર્ટે આ આદેશ એડવોકેટ આરિફ યાસીન જાવદ્દરની અરજી પર આપ્યો છે. આરિફ યાસીને ગૌહાટી હાઈકોર્ટના તે નિર્ણયને પડકાર્યો છે જેમાં કોર્ટે આ કેસની સ્વતંત્ર તપાસની માંગને ફગાવી દીધી હતી.

GSTVની એપ્લિકેશન ડાઉનલોડ કરો

   

ન્યાયાધીશ સૂર્યકાંત અને ન્યાયાધીશ એન. કોટિશ્વર સિંહની બેન્ચે આ કેસની સુનાવણી કરી. તેમણે કહ્યું કે પોલીસ પર લગાવવામાં આવેલ આરોપ ખૂબ જ ગંભીર છે. કોર્ટે કહ્યું કે જાહેર અધિકારીઓ દ્વારા પીડિતો પર વધુ પડતા અને ગેરકાયદેસર બળનો ઉપયોગ માન્ય ગણી શકાય નહીં.