Last Update :
12 Jun 2025
જો તમે સરકારી બેંકમાં કામ કરવાનું સપનું જોઈ રહ્યા છો, તો તમારા માટે સારા સમાચાર છે. સેન્ટ્રલ બેંક ઓફ ઈન્ડિયાએ હજારો એપ્રેન્ટિસ પોસ્ટ્સ માટે ભરતી બહાર પાડી છે, જેના માટે અરજીઓ મંગાવવામાં આવી છે. લાયક અને રસ ધરાવતા ઉમેદવારો બેંકની સત્તાવાર વેબસાઈટ centralbankofindia.co.in દ્વારા ઓનલાઈન અરજી કરી શકે છે. અરજી કરવાની છેલ્લી તારીખ 23 જૂન છે, જ્યારે અરજી ફી ભરવાની છેલ્લી તારીખ 25 જૂન નક્કી કરવામાં આવી છે. આ માટે ઓનલાઈન પરીક્ષા જુલાઈના પહેલા અઠવાડિયામાં લેવામાં આવશે. આ ભરતી ઝુંબેશ હેઠળ કુલ 4500 જગ્યાઓ ભરવામાં આવશે.
GSTVની એપ્લિકેશન ડાઉનલોડ કરો
શૈક્ષણિક લાયકાત અને વય મર્યાદા
આ જગ્યાઓ માટે અરજી કરવા માંગતા ઉમેદવારો પાસે સરકાર માન્ય યુનિવર્સિટીમાંથી કોઈપણ વિષયમાં ગ્રેજ્યુએશનની ડિગ્રી હોવી જોઈએ અથવા કેન્દ્ર સરકાર દ્વારા માન્ય કોઈપણ સમકક્ષ લાયકાત હોવી જોઈએ. NATS (National Apprenticeship Training scheme) પોર્ટલ પર નોંધાયેલા ઉમેદવારો અરજી કરવા પાત્ર છે.
અરજદારોની વય મર્યાદા 20થી 28 વર્ષની વચ્ચે હોવી જોઈએ. જોકે, રિઝર્વેશન કેટેગરીના ઉમેદવારોને સરકારી નિયમો મુજબ ઉંમરમાં છૂટછાટ આપવામાં આવશે.
અરજી ફી કેટલી છે?
PwBD શ્રેણીના ઉમેદવારો માટે અરજી ફી 400 રૂપિયા છે, જ્યારે SC/ST/મહિલાઓ/EWS કેટેગરીના ઉમેદવારો માટે અરજી ફી 600 રૂપિયા છે અને અન્ય તમામ ઉમેદવારો માટે અરજી ફી 800 રૂપિયા છે. ફી ઓનલાઈન મોડ દ્વારા ચૂકવવાની રહેશે.
પસંદગી પ્રક્રિયા
સેન્ટ્રલ બેંક ઓફ ઈન્ડિયામાં એપ્રેન્ટિસની ભરતી માટેની પસંદગી પ્રક્રિયામાં BFSI SSC દ્વારા લેવામાં આવતી ઓનલાઈન પરીક્ષા અને લોકલ લેંગ્વેજ ટેસ્ટનો સમાવેશ થાય છે. ઓનલાઈન પરીક્ષામાં કુલ 100 પ્રશ્નો પૂછવામાં આવશે, જેના માટે મહત્તમ 100 માર્ક્સ આપવામાં આવશે. સારી વાત એ છે કે આ પરીક્ષામાં કોઈ નેગેટિવ માર્કિંગ નથી.
ચોક્કસ રાજ્યમાં ટ્રેનિંગ સીટ માટે અરજી કરનારા ઉમેદવારો તે રાજ્યની સ્થાનિક ભાષાઓમાંથી એકમાં નિપુણ (વાંચન, લેખન, બોલતા અને સમજણ) હોવા જોઈએ. આ પછી, સફળ ઉમેદવારોના ડોક્યુમેન્ટ વેરીફાઈ કરવામાં આવશે, ત્યારબાદ મેરિટ લિસ્ટના આધારે નિમણૂક માટે સરકારી એપ્રેન્ટિસશિપ પોર્ટલ દ્વારા ઉમેદવારોને ડિજિટલ એપ્રેન્ટિસશિપ કોન્ટ્રાક્ટ જારી કરવામાં આવશે.
