ઈદ પર વધી 'સિકંદર' ની કમાણી, બીજા દિવસે 50 કરોડને પાર થયું કલેક્શન, છતાં ટોપ 10માં ન મળ્યું સ્થાન

સલમાન ખાનની 'સિકંદર' વર્ષ 2025ની સૌથી વધુ રાહ જોવાતી ફિલ્મોમાંથી એક હતી. આ પોલિટીકલ એક્શન થ્રિલર ફિલ્મ 30 માર્ચ, રવિવારના રોજ થિયેટરમાં રિલીઝ થઈ હતી. ફિલ્મ પ્રત્યે ફેન્સનો ઉત્સાહ જોઈને એવું લાગતું હતું કે તે શરૂઆતના દિવસે જ હિટ થશે અને સારી કમાણી કરશે. જોકે આવું બન્યું નહીં. 'સિકંદર' વર્ષની સૌથી મોટી ઓપનર ફિલ્મ ન બની શકી, ચાલો અહીં જાણીએ કે ફિલ્મે રિલીઝના બીજા દિવસે એટલે કે સોમવારે કેટલી કમાણી કરી છે?

GSTVની એપ્લિકેશન ડાઉનલોડ કરો

   

'સિકંદર' એ બીજા દિવસે કેટલી કમાણી કરી?

'સિકંદર' માં સલમાન ખાન અને રશ્મિકા મંદાનાની જોડી જોવા મળી છે. એઆર મુરુગાદોસ દ્વારા દિગ્દર્શિત, આ ફિલ્મ ઘણી અપેક્ષાઓ સાથે થિયેટરમાં રિલીઝ થઈ હતી. પરંતુ તેની ઓપનિંગ બમ્પર નહતી. નિર્માતાઓએ વિચાર્યું હતું કે ઈદની રજાનો ફિલ્મને ફાયદો થશે અને બીજા દિવસે ફિલ્મની કમાણી પણ વધી પરંતુ તે વધારે કલેક્શન ન કરી શકી. હવે 'સિકંદર' ના રિલીઝના બીજા દિવસના આંકડા પણ આવી ગયા છે.

સેકનિલ્કના આંકડા મુજબ, 'સિકંદર' એ રિલીઝના દિવસે 26 કરોડ રૂપિયાની કમાણી કરી હતી. હવે સેકનિલ્કના શરૂઆતના ટ્રેન્ડ રિપોર્ટ અનુસાર, 'સિકંદર' એ બીજા દિવસે 29 કરોડ રૂપિયાની કમાણી કરી છે.આ સાથે, બે દિવસમાં 'સિકંદર' ની કુલ કમાણી હવે 55 કરોડ રૂપિયા થઈ ગઈ છે.

આ પણ વાંચો :

સિકંદર પછી આવશે સલમાન ખાનની આ ફિલ્મો, એકમાં તે સંજય દત્ત સાથે જોવા મળશે

'TMKOC' માં દયાબેનનું પાત્ર ભજવવા પર કાજલ પિસલે તોડ્યું મૌન, કહ્યું- 'હું કન્ફર્મ કરું છું કે...'

'સિકંદર' બીજા દિવસે ટોપ 10 ફિલ્મોમાં પણ સ્થાન ન મેળવી શકી

'સિકંદર' ના બે દિવસના કમાણીના આંકડા સારા છે પણ સલમાન ખાનની ફિલ્મ આના કરતા અનેક ગણી વધુ કમાણી કરે તેવી અપેક્ષા હતી. આ ફિલ્મ બીજા દિવસે સૌથી વધુ કમાણી કરનાર ટોપ 10 ફિલ્મોમાં સ્થાન ન મેળવી શકી. સેકનિલ્કના અહેવાલ મુજબ, આ ફિલ્મો બીજા દિવસે સૌથી વધુ કમાણી કરનાર ટોચની 10 ફિલ્મોમાં સામેલ છે.

• 'પઠાણ' એ બીજા દિવસે 68 કરોડ રૂપિયાની કમાણી કરી હતી.
• 'એનિમલ' એ બીજા દિવસે 58.37 કરોડ રૂપિયાની કમાણી કરી હતી.
• 'ટાઈગર 3' એ બીજા દિવસે 58 કરોડ રૂપિયાનો બિઝનેસ કર્યો હતો.
• 'પુષ્પા 2' નું બીજા દિવસનું કલેક્શન 56.9 કરોડ રૂપિયા હતું.
• 'KGF 2' ની બીજા દિવસની કમાણી 46.79 કરોડ રૂપિયા હતી.
• 'જવાન' એ બીજા દિવસે 46.23 કરોડ રૂપિયાની કમાણી કરી હતી.
• 'ગદર 2' ની બીજા દિવસની કમાણી 43.08 કરોડ રૂપિયા હતી.
• 'સિંઘમ અગેઈન' નું બીજા દિવસનું કલેક્શન 42.5 કરોડ રૂપિયા હતું.
• 'બાહુબલી 2' એ બીજા દિવસે 40.5 કરોડ રૂપિયાની કમાણી કરી હતી.
• 'ફાઈટર' ની બીજા દિવસની કમાણી 39.5 કરોડ રૂપિયા હતી.

'સિકંદર' એ બે દિવસમાં અડધું બજેટ પણ ન વસૂલ્યું

'સિકંદર' રિલીઝ થયાને બે દિવસ થયા છે અને ફિલ્મે હજુ 50 કરોડ રૂપિયાનો આંકડો જ પાર કર્યો છે. તમને જણાવી દઈએ કે ફિલ્મનું બજેટ 200 કરોડ હોવાનું કહેવાય છે અને આવી સ્થિતિમાં તે બે દિવસમાં તેની અડધી કિંમત પણ ન વસૂલ કરી શકી. આશ્ચર્યજનક વાત એ છે કે રવિવાર અને ઈદની રજામાં પણ ફિલ્મને બહુ સારો પ્રતિસાદ નથી મળ્યો, તેથી અઠવાડિયાના દિવસોમાં ફિલ્મ કેવું પ્રદર્શન કરે છે તે જોવું રસપ્રદ રહેશે.