Last Update :
23 May 2025
ઈન્ડિયન પ્રીમિયર લીગ (IPL) 2025માં પ્લેઓફ મેચનો સમય ધીમે ધીમે નજીક આવી રહ્યો છે. ગુજરાત ટાઈટન્સ (GT), રોયલ ચેલેન્જર્સ બેંગલુરુ (RCB), પંજાબ કિંગ્સ (PBKS) અને મુંબઈ ઈન્ડિયન્સ (MI) એ પ્લેઓફમાં પ્રવેશ કર્યો છે. IPL 2025ની ફાઈનલ 3 જૂને અમદાવાદના નરેન્દ્ર મોદી સ્ટેડિયમ ખાતે રમાશે. એવામાં કેટલાક સ્ટાર ખેલાડીઓ તેમની મોટી કિંમતને યોગ્ય ઠેરવવામાં નિષ્ફળ ગયા અને તેમની ટીમ પ્લેઓફમાંથી પણ બહાર થઈ ગઈ. જાણીએ એવા 5 ખેલાડીઓ કોણ છે.
GSTVની એપ્લિકેશન ડાઉનલોડ કરો
રિષભ પંત (27 કરોડ)
IPL 2025માં બધાની નજર આ સિઝનના સૌથી મોંઘા ખેલાડી એટલે કે લખનૌ સુપર જાયન્ટ્સ (LSG) ના કેપ્ટન રિષભ પંત પર હતી, પરંતુ તેની બેટિંગે ફેન્સને નિરાશ કર્યા. રિષભે 13 મેચમાં માત્ર 151 રન બનાવ્યા છે. આ સમયગાળા દરમિયાન તેની સ્ટ્રાઇક રેટ 107.09 રહી છે, જે ખૂબ જ આશ્ચર્યજનક છે. રિષભની કેપ્ટનશિપ પણ નબળી રહી અને સારી શરૂઆત છતાં તેની ટીમ પ્લેઓફમાં સ્થાન ન મેળવી શકી.
વેંકટેશ અય્યર (23.75 કરોડ)
મિડલ ઓર્ડર બેટ્સમેન વેંકટેશ અય્યરને કોલકાતા નાઈટ રાઈડર્સ (KKR) એ 23.75 કરોડ રૂપિયાની મોટી કિંમતે ખરીદ્યો હતો. પરંતુ આ સિઝનમાં વેંકટેશ અય્યરનું બેટ સંપૂર્ણપણે શાંત રહ્યું. વેંકટેશે 7 ઈનિંગ્સમાં 139.21ની સ્ટ્રાઇક રેટથી 142 રન બનાવ્યા. તેના સ્કોર્સ 6, 3, 60, 45, 7, 14 અને 7 હતા.
ઈશાન કિશન (11.25 કરોડ)
વિકેટકીપર બેટ્સમેન ઈશાન કિશને સનરાઈઝર્સ હૈદરાબાદ (SRH) માટે પોતાની ડેબ્યુ મેચમાં અણનમ 106 રન બનાવ્યા હતા. આ ઈનિંગ પછી એવું લાગતું હતું કે આ સિઝન ઈશાન કિશનના નામે રહેવાની છે, પરંતુ તે સદીની ઈનિંગ પછી, તેનું ફોર્મ પાટા પરથી ઉતરી ગયું. ઈશાન વર્તમાન સિઝનમાં 12 મેચમાં માત્ર 231 રન જ બનાવી શક્યો છે. આ સમયગાળા દરમિયાન તેની સ્ટ્રાઇક રેટ 140.85 રહી છે.
મોહમ્મદ શમી (10 કરોડ)
સનરાઈઝર્સ હૈદરાબાદ (SRH) ના પેસર મોહમ્મદ શમીનું પણ IPL 2025માં પ્રદર્શન સારું નથી રહ્યું આગામી ઈંગ્લેન્ડ પ્રવાસને ધ્યાનમાં રાખીને ભારતીય ટીમ માટે પણ આ ચિંતાનો વિષય છે. શમીએ વર્તમાન IPL સિઝનમાં 9 મેચમાં અત્યાર સુધી 11.23ની ખરાબ ઈકોનોમીતજી માત્ર 6 વિકેટ લીધી છે. ખરાબ પ્રદર્શનને કારણે, શમીને છેલ્લા કેટલાક મેચોમાં પ્લેઈંગ ઈલેવનમાંથી બહાર બેસવું પડ્યું છે.
રવિચંદ્રન અશ્વિન (9.75 કરોડ)
અનુભવી સ્પિનર રવિચંદ્રન અશ્વિન 10 વર્ષ પછી ચેન્નાઈ સુપર કિંગ્સ (CSK) માં પાછો ફર્યો. આવી સ્થિતિમાં, CSKના ફેન્સને આશા હતી કે તે IPL 2025માં શાનદાર પ્રદર્શન કરશે, પરંતુ આ સિઝનમાં તે ફોર્મમાં ન હોય તેવું લાગતું હતું. અશ્વિન 9 મેચમાં ફક્ત 7 વિકેટ લઈ શક્યો છે.
