Last Update :
28 Apr 2025
વિક્કી કૌશલ (Vicky Kaushal) ની 'છાવા' (Chhava) ફિલ્મે બોક્સ ઓફિસ પર જોરદાર કમાણી કરી હતી. છત્રપતિ સંભાજી મહારાજના જીવન પર આધારિત આ ફિલ્મે દર્શકોના દિલ જીતી લીધા હતા. હવે આ ફિલ્મ જોયા પછી, સાઉથ ઈન્ડસ્ટ્રીના અભિનેતા વિજય દેવરકોંડા (Vijay Devarakonda) એ ખુલાસો કર્યો છે કે તે એક વ્યક્તિને જોરથી થપ્પડ મારવા માંગે છે. હવે તમારા મનમાં સવાલ થતો હશે કે અભિનેતાને કોના પર ગુસ્સો આવ્યો? ચાલો તમને સંપૂર્ણ વાત જણાવીએ.
GSTVની એપ્લિકેશન ડાઉનલોડ કરો
વિજયે 'છાવા' ફિલ્મ પર પોતાનો અભિપ્રાય વ્યક્ત કર્યો
એક અહેવાલ મુજબ, અભિનેતા સૂર્યાની આગામી ફિલ્મ 'રેટ્રો' ની પ્રી-રિલીઝ ઈવેન્ટ હૈદરાબાદમાં યોજાઈ હતી હતો, જેમાં વિજય દેવરકોંડા (Vijay Devarakonda) પણ ચીફ ગેસ્ટ તરીકે પહોંચ્યો હતો. આ ઈવેન્ટ દરમિયાન વિજય (Vijay Devarakonda) એ ફિલ્મ 'છાવા' વિશેનો પોતાનો અનુભવ શેર કર્યો અને કહ્યું કે ફિલ્મમાં અક્ષય ખન્નાનું પાત્ર જોઈને તેને ગુસ્સો આવ્યો હતો.
વિજય કોને થપ્પડ મારવા માંગે છે?
ઈવેન્ટ દરમિયાન વિજય દેવેરાકોંડા (Vijay Devarakonda) ને પૂછવામાં આવ્યું કે શું તે ભૂતકાળમાં પાછો જઈને કોઈને મળવા માંગે છે. આનો જવાબ આપતાં તેણે કહ્યું, "હું અંગ્રેજોને મળવા માંગુ છું અને તેમને એક જોરદાર થપ્પડ મારવા માંગુ છું. મેં તાજેતરમાં 'છાવા' જોઈ અને તેનાથી મને ખૂબ ગુસ્સો આવ્યો. હું કદાચ ઔરંગઝેબને પણ બે-ત્રણ વાર થપ્પડ મારવાની તક શોધીશ. હું આવા ઘણા લોકોને મળવા માંગુ છું. હમણાં હું ફક્ત આટલું જ વિચારી શકું છું." જોકે, જ્યારે અભિનેતા સૂર્યાને આ અંગે પ્રશ્ન કરવામાં આવ્યો ત્યારે તેણે કહ્યું કે તેને કોઈ એવું યાદ નથી આવતું.
વિજય જ્યોતિકા સાથે કામ કરવા માંગે છે
વાતચીત દરમિયાન, અભિનેતા વિજય દેવરકોંડાને પૂછવામાં આવ્યું કે શું તે ભૂતકાળમાં પાછો જઈને શ્રીદેવી, વિજયશાંતિ કે રામ્યા કૃષ્ણન સાથે કામ કરવા માંગે છે? આના જવાબમાં, અભિનેતાએ કહ્યું કે તે સિમરન, જ્યોતિકા અને સોનાલી બેન્દ્રે સાથે કામ કરવા માંગશે.
વિજય દેવેરાકોંડાનું વર્ક ફ્રન્ટ
જો આપણે વિજય દેવેરાકોંડા (Vijay Devarakonda) ના વર્કફ્રન્ટ વિશે વાત કરીએ, તો તે છેલ્લે 'કલ્કી 2989 એડી' માં જોવા મળ્યો હતો. હાલમાં, અભિનેતા ગૌતમ તિન્નાનુરીની 'કિંગડમ' પર કામ કરી રહ્યો છે.
