Last Update :
29 Jun 2025
અમદાવાદ શહેરમાં ધોધમાર વરસાદને લીધે જનજીવન પર વ્યાપક અસર જોવા મળી હતી. ખાસ કરીને પૂર્વ વિસ્તારોમાં કૃષ્ણનગર, નરોડા અને બાપુનગર જેવા વિસ્તારોમાં મેઘરાજાએ ખૂબ તરખાટ મચાવ્યો હતો. ભારે વરસાદને કારણે રસ્તાઓ પર પાણી ભરાયા, જેમાં કૃષ્ણનગરના રસ્તાઓની ખરાબ હાલતે લોકોની મુશ્કેલીઓ વધારી. ખાડાઓ અને ભૂવાઓથી ભરેલા રસ્તાઓએ વાહનચાલકો અને રાહદારીઓને પરેશાન કર્યા હતા.
GSTVની એપ્લિકેશન ડાઉનલોડ કરો
એક અઠવાડિયામાં અમદાવાદમાં સરેરાશ 16 ટકા વરસાદ નોંધાયો
અમદાવાદ જિલ્લામાંથી હાલ અમદાવાદ શહેરમાં સરેરાશ 8 ઈંચ સાથે 27 ટકા વરસાદ નોંધાયો છે. વર્ષ 1995થી 2024 એમ 30 વર્ષની સરેરાશ જોવામાં આવે તો અમદાવાદ શહેરમાં દર વર્ષે ચોમાસામાં 32 ઈંચ જેટલો વરસાદ પડતો હોય છે.
એક જ અઠવાડિયામાં સિઝનનો વધુ 10 ટકા વરસાદ વરસ્યો
21 જૂનના એટલે કે એક અઠવાડિયા પહેલા અમદાવાદમાં સરેરાશ 16 ટકા વરસાદ નોંધાયો હતો. આમ એક જ અઠવાડિયામાં સિઝનનો વધુ 10 ટકા વરસાદ વરસી ચૂક્યો છે. વર્ષ 2024 અમદાવાદ શહેરમાં સિઝનનો સરેરાશ માત્ર 5 ટકા વરસાદ હતો. જેની સરખામણીએ અત્યારે પાંચ ગણો વધુ વરસાદ છે.
અમદાવાદમાં આજે ગાજવીજ સાથે વરસાદની આગાહી
અમદાવાદમાં રવિવારે (29મી જૂન) ગાજવીજ સાથે વરસાદની આગાહી કરવામાં આવી છે. આ ઉપરાંત હજુ ચાર દિવસ અમદાવાદમાં વરસાદી વાતાવરણ જામેલું રહે તેવી સંભાવના છે.
