Last Update :
16 Jun 2025
એન્ડ્રોઇડ 16નું નવું બીટા વર્ઝન આવી ગયું છે, જો કોઈ યુઝર તેને તેના ડિવાઇસ પર ઇન્સ્ટોલ કરવા માંગે છે, તો તે ખૂબ જ સરળ પ્રક્રિયા છે. અહીં તમારે ફક્ત એક પોર્ટલ પર જઈને લોગિન કરવાનું રહેશે. આ પછી તમે એન્ડ્રોઇડ 16ની નવીનતમ સુવિધાઓનો લાભ લઈ શકશો. ચાલો તેના વિશે વિગતવાર જાણીએ.
GSTVની એપ્લિકેશન ડાઉનલોડ કરો
ગુગલે નવીનતમ એન્ડ્રોઇડ 16 અપડેટ રોલઆઉટ કર્યું છે. આ લેટેસ્ટ વર્ઝનમાં, યુઝર્સને ઘણી નવી સુવિધાઓ અને ફ્રેશ ઇન્ટરફેસ જોવા મળશે. ગૂગલે પિક્સેલ સ્માર્ટફોન યુઝર્સ માટે એન્ડ્રોઇડ 16 QPR1 બીટા 2 વર્ઝન રિલીઝ કર્યું છે. આ એન્ડ્રોઇડ 16નું સ્ટેબલ વર્ઝન નથી.
એન્ડ્રોઇડ 16 QPR1 બીટા 2 ડિઝાઇન, ઍક્સેસિબિલિટી સુધારવા પર ધ્યાન કેન્દ્રિત કરે છે. આ ઉપરાંત, કંપનીએ રિયલ ટાઇમ નોટિફિકેશન્સ વગેરે પર પણ કામ કર્યું છે. ચાલો તેના વિશે વિગતવાર જાણીએ.
આ હેન્ડસેટ્સને સપોર્ટ મળશે
એન્ડ્રોઇડ 16 QPR1 બીટાને ગૂગલ પિક્સેલ હેન્ડસેટ સહિત પસંદગીના હેન્ડસેટ દ્વારા સપોર્ટ કરવામાં આવશે. આ રહ્યું કંપેટેબલ ડિવાઇસનું લિસ્ટ
Pixel 6, 6 Pro, અને 6a
Pixel 7, 7 Pro, અને 7a
Pixel Tablet
Pixel Fold
Pixel 8, 8 Pro, અને 8a
Pixel 9, 9 Pro, 9 Pro XL, 9 Pro Fold, અને 9a
Android બીટા પ્રોગ્રામમાં કેવી રીતે જોડાવું
Android 16 QPR1 બીટા ઇન્સ્ટોલ કરવું ખૂબ જ સરળ છે. જો તમારી પાસે કંપેટેબલ ડિવાઇસ છે, જેનું લિસ્ટ ઉપર આપ્યુ છે. તો પહેલા google.com/android/beta ની મુલાકાત લો.
આ પછી, Pixel ડિવાઇસના લોગિન એકાઉન્ટ વિગતોનો ઉપયોગ કરીને ઉપર આપેલ પોર્ટલ પર લોગિન કરો. આ પછી, પ્રક્રિયા સાથે આગળ વધો અને બીટા પ્રોગ્રામ પસંદ કરો અને પ્રક્રિયા પૂર્ણ કરો. તમારા હેન્ડસેટમાં સિસ્ટમ ઇન્સ્ટોલ થવામાં લગભગ 1 કલાક કે તેથી વધુ સમય લાગી શકે છે.
Android 16 ની લાઇવ અપડેટ સુવિધા
Android 16 ની ખાસ ફીચર નોટિફિકેશન્સ અને લાઇવ અપડેટ છે. આ હેઠળ, યુઝર્સને ફૂડ ડિલિવરી એપ્લિકેશનની ટ્રેકિંગ વિગતો સ્ક્રીન પર જોઈ શકશે. ઉદાહરણ તરીકે, જો તમારી પાસે એન્ડ્રોઇડ 16 સપોર્ટેડ ફોન છે અને તમે ઝોમેટો, સ્વિગી, બ્લિંકિટ એપની મદદથી ઓર્ડર કરો છો, તો તેની લાઇવ ટ્રેકિંગ વિગતો મોબાઇલ પર જોઈ શકાય છે.
Hearing Aids સપોર્ટ
એન્ડ્રોઇડ 16 એવા યુઝર્સને ફાયદો કરાવશે જેમને સાંભળવામાં તકલીફ છે. એન્ડ્રોઇડ 16 માં Built-in Supportનો સમાવેશ કરવામાં આવ્યો છે, જેને hearing device સાથે કનેક્ટ કરવાની સુવિધા આપે છે. જેમાં અતિશય ઘોંઘાટ હોવા છતાં પણ યુઝર સ્પષ્ટપણે સાંભળી શકશે.
