Last Update :
20 Apr 2025
જો તમે નવો સ્માર્ટફોન ખરીદવાનું વિચારી રહ્યા છો પરંતુ તમારું બજેટ 10,000 રૂપિયાથી ઓછું છે, તો અહીં તમને 10,000 રૂપિયાથી ઓછી કિંમતમાં લોન્ચ થયેલા પાંચ નવા સ્માર્ટફોન વિશે જણાવી રહ્યા છીએ. આ યાદીમાં સેમસંગ અને રેડમી જેવા બ્રાન્ડનો પણ સમાવેશ થાય છે.
GSTVની એપ્લિકેશન ડાઉનલોડ કરો
1. Redmi A5
આ એક 4G સ્માર્ટફોન છે અને તેની કિંમત 10 હજાર રૂપિયાથી ઓછી છે. ફોનના 3GB+64GB વેરિયન્ટની કિંમત 6,499 રૂપિયા છે જ્યારે તેના 4GB+128GB વેરિયન્ટની કિંમત 7,499 રૂપિયા છે. તેને જેસલમેર ગોલ્ડ, જસ્ટ બ્લેક અને પોંડિચેરી બ્લુ રંગોમાં ખરીદી શકાય છે. આ ફોન ઓક્ટા-કોર Unisoc T7250 ચિપસેટ દ્વારા સંચાલિત છે અને તેમાં 5200mAh બેટરી છે. આ ફોનમાં 120Hz રિફ્રેશ રેટ સાથે 6.88-ઇંચ ડિસ્પ્લે છે. ફોટોગ્રાફી માટે ફોનમાં 32-મેગાપિક્સલનો મુખ્ય રીઅર કેમેરા અને સેલ્ફી માટે 8-મેગાપિક્સલનો કેમેરા છે. આ ફોન ધૂળ અને પાણીથી રક્ષણ માટે IP52 રેટિંગ સાથે આવે છે.
2. itel A95
આ એક 5G સ્માર્ટફોન છે અને તેની કિંમત 10 હજાર રૂપિયાથી ઓછી છે. ફોનના 4GB+128GB વેરિયન્ટની કિંમત 9,599 રૂપિયા છે જ્યારે તેના 6GB+128GB વેરિયન્ટની કિંમત 9,999 રૂપિયા છે. આ ફોનમાં 120Hz રિફ્રેશ રેટ સાથે 6.67-ઇંચ ડિસ્પ્લે છે, જેમાં મજબૂતી માટે પાંડા ગ્લાસ છે. ફોનમાં મીડિયાટેક ડાયમેન્સિટી 6300 ચિપસેટ છે. ફોનમાં 10W ચાર્જિંગ સપોર્ટ સાથે 5000mAh બેટરી છે. ફોનમાં 50 મેગાપિક્સલનો મુખ્ય રિયર કેમેરા અને સેલ્ફી માટે 8 મેગાપિક્સલનો કેમેરા છે. આ ફોન ધૂળ અને પાણીથી રક્ષણ માટે IP54 રેટિંગ સાથે આવે છે.
3. Acer Super ZX
લેપટોપ બનાવતી કંપની એસરે તાજેતરમાં ભારતમાં નવો એસર સુપર ઝેડએક્સ સ્માર્ટફોન લોન્ચ કર્યો છે, જે એક 5G સ્માર્ટફોન છે. તેની કિંમત 4GB+64GB વેરિયન્ટ માટે 9,990 રૂપિયા છે. આ ફોનમાં 120Hz રિફ્રેશ રેટ સાથે 6.78-ઇંચ LCD ડિસ્પ્લે છે અને તે MediaTek Dimensity 6300 ચિપસેટ દ્વારા સંચાલિત છે. આ ફોન સ્ટોક એન્ડ્રોઇડ 15 પર ચાલે છે. ફોનમાં 64-મેગાપિક્સલનો Sony IMX682 મુખ્ય રીઅર કેમેરા છે. સેલ્ફી માટે, ફોનમાં 13-મેગાપિક્સલનો કેમેરો છે. ફોનમાં 33W ચાર્જિંગ સપોર્ટ સાથે 5000mAh બેટરી છે. આ ફોન ધૂળ અને પાણીથી રક્ષણ માટે IP50 રેટિંગ સાથે આવે છે.
4. Samsung Galaxy M06 5G
આ ફોન ગયા મહિને જ ભારતમાં લોન્ચ કરવામાં આવ્યો છે. તેનું 4GB + 128GB વેરિયન્ટ એમેઝોન પર 9,199 રૂપિયામાં ઉપલબ્ધ છે. આ ફોનમાં 6.7-ઇંચ HD પ્લસ ડિસ્પ્લે છે અને તે MediaTek Dimensity 6300 ચિપસેટ સાથે આવે છે. ફોનમાં 50 મેગાપિક્સલનો મુખ્ય રિયર કેમેરા અને સેલ્ફી માટે 8 મેગાપિક્સલનો કેમેરા છે. આ ફોન એન્ડ્રોઇડ 15 પર ચાલે છે અને ચાર ઓએસ અપગ્રેડ અને 4 વર્ષના સુરક્ષા અપડેટ્સ માટે Eligible છે. ફોનમાં 25W ચાર્જિંગ સપોર્ટ સાથે 5000mAh બેટરી છે.
5. Samsung Galaxy F06 5G
આ સેમસંગનો સૌથી સસ્તો 5G સ્માર્ટફોન છે અને તેની કિંમત 10 હજાર રૂપિયાથી ઓછી છે. તે આ ફેબ્રુઆરીમાં ભારતમાં લોન્ચ કરવામાં આવ્યો હતો. તેનું 4GB + 128GB વેરિયન્ટ એમેઝોન પર 9,572 રૂપિયામાં ઉપલબ્ધ છે. આ ફોનમાં 6.7-ઇંચની ડિસ્પ્લે છે અને તે મીડિયાટેક ડાયમેન્સિટી 6300 ચિપસેટ સાથે આવે છે. ફોનમાં 50 મેગાપિક્સલનો મુખ્ય રિયર કેમેરા અને સેલ્ફી માટે 8 મેગાપિક્સલનો કેમેરા છે. આ ફોન એન્ડ્રોઇડ 15 પર ચાલે છે અને ચાર ઓએસ અપગ્રેડ અને 4 વર્ષના સુરક્ષા અપડેટ્સ માટે Eligible છે. ફોનમાં 25W ચાર્જિંગ સપોર્ટ સાથે 5000mAh બેટરી છે.
