Last Update :
10 Apr 2025
Rape Case : બળાત્કારના એક કેસમાં, અલ્હાબાદ હાઈકોર્ટે(Allahabad High Court) પીડિતાને કથિત ગુના માટે જવાબદાર ઠેરવી અને આરોપીને જામીન આપ્યા. આ કેસ સપ્ટેમ્બર 2024નો છે, જ્યાં યુનિવર્સિટીની એક વિદ્યાર્થીનીએ આરોપ લગાવ્યો હતો કે એક બારમાં મળેલા એક વ્યક્તિએ તેના પર બળાત્કાર(Rape) ગુજાર્યો હતો જ્યારે તે નશાની હાલતમાં હતી. જ્યારે, આરોપીએ પોતાની જામીન અરજીમાં કહ્યું છે કે મહિલા પોતે તેની સાથે જવા માટે સંમત થઈ હતી અને સેક્સ(Sex) સંમતિથી થયું હતું.
GSTVની એપ્લિકેશન ડાઉનલોડ કરો
જસ્ટિસ સંજય કુમાર સિંહની બેન્ચ આ કેસની સુનાવણી કરી રહી હતી. આરોપીની 11 ડિસેમ્બર 2024 ના રોજ ધરપકડ કરવામાં આવી હતી. તેના પર દિલ્હીના હૌઝ ખાસના એક બારમાં મળેલી છોકરી પર બળાત્કાર(rape) કરવાનો આરોપ હતો. કોર્ટે કહ્યું કે છોકરીએ પોતે જ મુશ્કેલી ઉભી કરી હતી અને તે આ કથિત ઘટના માટે જવાબદાર છે.
શું કેસ હતો?
ઉત્તર પ્રદેશના નોઈડામાં એક મોટી યુનિવર્સિટીમાં અભ્યાસ કરતી વિદ્યાર્થિની ત્રણ મિત્રો સાથે દિલ્હીના એક બારમાં ગઈ હતી. વિદ્યાર્થિનીએ કહ્યું કે તે ત્યાં કેટલાક પરિચિત લોકોને મળી, જેમાં આરોપી પણ સામેલ હતો. નોઈડા પોલીસને(Noida Police) આપેલી ફરિયાદમાં પીડિતાએ જણાવ્યું હતું કે દારૂ પીધા પછી તે નશાની હાલતમાં હતી અને આરોપી તેની નજીક આવી રહ્યો હતો.
પોલીસને કહેવામાં આવ્યું હતું કે તેઓ સવારના 3 વાગ્યા સુધી બારમાં હતા અને આરોપી વારંવાર મહિલાને તેની સાથે આવવા કહેતો હતો. પીડિતાએ પોલીસને જણાવ્યું કે વારંવાર વિનંતી કર્યા પછી, તે આરોપી સાથે "આરામ" કરવા માટે જવા સંમત થઈ. મહિલાએ આરોપ લગાવ્યો કે તે રસ્તામાં તેને અયોગ્ય રીતે સ્પર્શ કરી રહ્યો હતો અને તેને નોઈડા સ્થિત તેના ઘરે લઈ જવાને બદલે, તે તેને ગુડગાંવ સ્થિત તેના સંબંધીના ફ્લેટમાં લઈ ગયો અને તેના પર બળાત્કાર ગુજાર્યો.
આરોપીએ કહ્યું - સેક્સ સંમતિથી થયું હતું
રિપોર્ટ અનુસાર, જામીન અરજીમાં, આરોપીએ કોર્ટને જણાવ્યું હતું કે મહિલાને મદદની જરૂર હતી, તે પોતે તેની સાથે આરામ કરવા માટે તેના ઘરે જવા માટે સંમત થઈ હતી. આરોપીએ એ આરોપોને પણ નકારી કાઢ્યા છે કે તે મહિલાને તેના સંબંધીના ફ્લેટમાં લઈ ગયો હતો અને તેની સાથે બે વાર બળાત્કાર(rape) કર્યો હતો. આરોપીનો દાવો છે કે બળાત્કાર થયો નથી પરંતુ તે સંમતિથી થયેલુ સેક્સ હતું.
કોર્ટનું વલણ
બાર અને બેન્ચના અહેવાલ મુજબ, કોર્ટે કહ્યું, "કોર્ટનો મત છે કે જો પીડિતા દ્વારા કરવામાં આવેલા આરોપોને સાચા માનવામાં આવે તો, એવું પણ નિષ્કર્ષ પર આવી શકે છે કે તેણે પોતે જ મુશ્કેલીને આમંત્રણ આપ્યું હતું અને તેના માટે જવાબદાર છે." પીડિતાએ પોતાના નિવેદનમાં આ વલણ અપનાવ્યું છે. તેણીની તબીબી તપાસ દરમિયાન, તેણીનું હાઇમેન તૂટેલું જોવા મળ્યું, પરંતુ ડૉક્ટરે જાતીય હિંસાનો ઉલ્લેખ કર્યો ન હતો.
કોર્ટે કહ્યું, 'કેસના તથ્યો અને સંજોગો તેમજ ગુનાની પ્રકૃતિ, પક્ષકારોના વકીલો દ્વારા આપવામાં આવેલા પુરાવા અને માહિતીને ધ્યાનમાં લીધા પછી, મારું માનવું છે કે અરજદારને જામીન આપી શકાય છે.' આવી સ્થિતિમાં, જામીન અરજી સ્વીકારવામાં આવે છે.
