Last Update :
06 May 2025
સુરત શહેરના પુણા વિસ્તારમાં જબરજસ્ત કાર્યવાહી હેઠળ શહેર પોલીસના ઝોન-1 LCB સ્કોડે બે ડુપ્લીકેટ ડોક્ટરોને પકડી પાડી શકાયા છે. આ બંને ઈસમો ધોરણ 10 અને 12 પાસ હોવા છતાં છેલ્લા 10 વર્ષથી લોકોના આરોગ્ય સાથે ચેડાં કરીને ખોટી રીતે ડોક્ટર તરીકે પ્રેક્ટિસ કરતા હતા. આ ઘટના સ્થાનિક વાસીઓમાં ભયનો માહોલ ઊભો કરતી હોય તેમ લાગી રહી છે.
GSTVની એપ્લિકેશન ડાઉનલોડ કરો
રેડ કરી ઝડપી લેવાયા
જણાવ્યા મુજબ, પોલીસે ધરપકડ કરેલા ઈસમો પ્રશાંત માલાકર અને તેજ બહાદુર નિસાદ છે. જેમની શૈક્ષણિક લાયકાત ક્રમશ: ધોરણ 10 અને ધોરણ 12 છે. કોઈપણ વૈધ તબીબી લાયસન્સ કે ડિગ્રી વિના વર્ષોથી તેઓ ડોક્ટર તરીકે ક્લિનિક ચલાવતા હતા અને લોકોને સારવાર આપી રહ્યા હતા.ઝોન-1 LCBની ટીમે ગુપ્ત માહિતીના આધારે પુણા વિસ્તારમાં રેડ કરી હતી. જ્યાં એક ચલતી ક્લિનિકમાંથી બંને આરોપીઓને ઝડપી લેવામાં આવ્યા. ક્લિનિકમાંથી મોટી સંખ્યામાં દવાઓ, ઈન્જેક્શનો અને અન્ય તબીબી સાધનો પણ કબ્જે કરવામાં આવ્યા.
આરોગ્ય પ્રણાલી સામે મોટો પ્રશ્ન
આ ઘટનાએ શહેરની આરોગ્ય વ્યવસ્થાની સુરક્ષિતતા અને વ્યવસ્થિતતા પર સવાલ ઉઠાવ્યા છે. અસલી ડોક્ટરોની જગ્યાએ ડુપ્લીકેટ ડોક્ટરોની પ્રવૃત્તિ સામાન્ય જનતાની જિંદગી સાથે ખિલવાડ કરે છે, જે અત્યંત ગંભીર મુદ્દો છે. દરોડા દરમિયાન LCBએ આ બંને ઈસમોને પુણા પોલીસ સ્ટેશન હવાલે કર્યા છે જ્યાં તેમના વિરુદ્ધ IPCની લાગતી કલમો હેઠળ ગુનો નોંધાયો છે. પોલીસ હાલ વધુ તપાસ હાથ ધરી રહી છે કે આરોપીઓ ક્યાંથી દવાઓ મંગાવતા હતા, શું વધુ કોઈ શખ્સો આ ઘટનામાં સામેલ છે કે કેમ તે અંગે તફતીશ ચાલુ છે.ડુપ્લીકેટ ડોક્ટરોની ધરપકડથી સ્થાનિક લોકોમાં રાહત છવાઈ છે, પરંતુ એક સાથે ઘણાં પ્રશ્નો પણ ઊભા થયા છે. આવા બનાવોની પુનરાવૃત્તિ અટકાવવા માટે આરોગ્ય વિભાગ તથા પોલીસ તંત્રએ વધુ સખ્ત અને ચાંપતી નજર રાખવી જરૂરી બની ગઈ છે.
