તમારી પર્સનલ માહિતી સુરક્ષિત છે. તમારો નંબર માત્ર અકાઉન્ટ વેરિફાય કરવા માટે જ લઈ રહ્યા છીએ.
Last Update :
20 Nov 2025
રાજ્યના પોલીસ વડાના આદેશ બાદ શહેરો અને ગ્રામ્યમાં અસામાજિક તત્વોના ગેરકાયદે બાંધકામ, અડ્ડાઓ બધું જ જમીનદોસ્ત કરવાની ઝૂંબેશ પોલીસ તંત્ર ચલાવી રહ્યું છે. આ દરમ્યાન કચ્છ જિલ્લામાં ગેરકાયદે દબાણો અને અસામાજિક તત્વોએ પચાવી પાડેલી જમીનો હટાવી રહ્યું છે. રાપરના આડેસરમાં કુખ્યાત એવા હારુન ઐયુબ હિંગોરજાનું ગેરકાયદે બાંધકામ તંત્રએ તોડીને જમીન ખાલી કરાવી હતી. માથાભારે શખ્સ એવા હારુન ઐયુબ હિંગોરજા સામે ખનીજ ચોરી, આરએફઓ પર ખૂની હુમલો, હત્યા અને બીજા સંખ્યા બંધ ગુના નોંધાયેલા છે. જેથી પોલીસ તંત્રએ વહીવટીતંત્રને સાથે રાખી આ માથાભારે અને કુખ્યાત એવા હારુન ઐયુબ હિંગોરજાનું સરકારી જમીન પર બનાવેલું બાંધકામ તોડી પાડયું હતું.
