Business News / 24 વર્ષમાં 38 કરોડથી વધીને 3860 કરોડ રૂપિયા થયો ઝાયડસનો નફો

નેશનલ સ્ટોક એક્સચેન્જ ઓફ ઈન્ડિયા (NSE) ઉપર ઝાયડસ લાઈફસાયન્સિસ લિમિટેડ (અગાઉ કેડિલા હેલ્થકેર લિમિટેડ તરીકે જાણીતી) ના લિસ્ટિંગના 25મા વર્ષની ઉજવણીના ભાગરૂપે મુંબઈમાં બીકેસી ખાતે 2 મે, 2025ના રોજ બેલ રિંગિંગ સમારોહનું આયોજન કરાયું હતું. આ પ્રસંગે ઝાયડસ લાઈફસાયન્સિસના ચેરમેન પંકજ આર. પટેલ, મેનેજિંગ ડિરેક્ટર ડો. શર્વિંલ પટેલ, એક્ઝિક્યુટિવ ડિરેક્ટર ગણેશ નાયક અને CFO નીતિન પારેખ સહિતના વરિષ્ઠિત અધિકારીઓ સહિત સિનિયર એક્ઝિક્યુટિવ્સ ઉપસ્થિત રહ્યા હતા. NSEના MD અને CEO આશિષકુમાર ચૌહાણ અને ચીફ બિઝનેસ ડેવલપમેન્ટ ઓફિસર શ્રીરામ કૃષ્ણ જેવા મહાનુભાવોએ કાર્યક્રમની શોભામાં વધારો કર્યો હતો.

GSTVની એપ્લિકેશન ડાઉનલોડ કરો

   

છેલ્લા 24 વર્ષમાં કંપનીનું વેચાણ 478 કરોડ રૂપિયાથી 17 ટકા સીએજીઆર સાથે વધીને  19,022 કરોડ રૂપિયા થયું છે, ઓપરેટિંગ પ્રોફિટ 20 ટકા સીએજીઆર સાથે 70 કરોડ રૂપિયાથી વધીને 5,384 કરોડ રૂપિયા તથા પ્રોફિટ આફ્ટર ટેક્સ 21 ટકા સીએજીઆર સાથે 38 કરોડ રૂપિયાથી વધીને 3,860 કરોડ રૂપિયા થયો છે. (31 માર્ચ, 2000થી 31 માર્ચ, 2024 સુધીનો સમયગાળો).

કંપનીના આઇપીઓમાં 1 લાખ રૂપિયાનું રોકાણ વધીને 30 એપ્રિલ, 2025 સુધીમાં 60 લાખ રૂપિયા થયું છે (ડિવિડન્ડ અને બાયબેક સહિત), જે રોકાણના લગભગ 60 ગણું છે અને 19 ટકા સીએજીઆર સૂચવે છે. તેનાથી હીતધારકોના મૂલ્યમાં નોંધપાત્ર વધારો થયો છે.

આ પણ વાંચો :

દેશમાં GST કલેક્શનનો રેકોર્ડ તૂટયો, અત્યાર સુધીની સૌથી મોટી 2.37 લાખ કરોડની વસૂલાત

ભારતીય ગ્રાહકોએ બતાવ્યું શાણપણ, સોનું વેચવાના બદલે ગિરવે મૂકી લોન લેવાનું પ્રમાણ વધ્યું