Last Update :
01 Jun 2025
ઘણા લોકોને એવું લાગે છે કે સાયન્સ કે કોમર્સ સ્ટ્રીમની તુલનામાં આર્ટસ સ્ટ્રીમમાં કારકિર્દી વિકલ્પો મર્યાદિત છે અને તેમાં કમાણીની તકો ઓછી છે, પરંતુ આ સંપૂર્ણપણે સાચું નથી. આજના યુગમાં, 12મા ધોરણ પછી આર્ટસ સ્ટ્રીમના વિદ્યાર્થીઓ માટે ઘણા શ્રેષ્ઠ અને વધુ પગાર અપાવતા કારકિર્દી વિકલ્પો ઉપલબ્ધ છે, જ્યાં તમે તમારી સમજણનો ઉપયોગ કરીને સફળ થઈ શકો છો. ઉપરાંત, તમે સારી કમાણી પણ કરી શકો છો.
GSTVની એપ્લિકેશન ડાઉનલોડ કરો
જો તમે પણ 12મા ધોરણમાં આર્ટસ સ્ટ્રીમમાંથી પાસ થયા છો અને ભવિષ્ય વિશે ચિંતિત છો, તો ચિંતા કરવાની જરૂર નથી. અહીં અમે તમને આવા 5 શ્રેષ્ઠ કારકિર્દી વિકલ્પો વિશે જણાવીશું, જે તમારી સ્કિલ્સ વધારવાની સાથે તમને ઉજ્જવળ ભવિષ્ય પણ આપી શકે છે.
ડિજિટલ માર્કેટિંગ એક્સપર્ટ
આજના ડિજિટલ યુગમાં, દરેક નાના અને મોટા બિઝનેસને ઓનલાઈન ઓળખની જરૂર છે. આ તે જગ્યા છે જ્યાં ડિજિટલ માર્કેટિંગ એક્સપર્ટની ભૂમિકા આવે છે. આર્ટ્સના વિદ્યાર્થીઓ તેમની ક્રિએટિવિટિ, કોમ્યુનિકેશન સ્કિલ અને હ્યુમન બિહેવિયરની સમજણને કારણે આ ક્ષેત્રમાં આગળ વધી શકે છે. તેમનું કાર્ય કંપનીઓ માટે ઓનલાઈન પ્રમોશનલ સ્ટ્રેટેજી બનાવવાનું અને અમલમાં મૂકવાનું છે. આમાં સોશિયલ મીડિયા માર્કેટિંગ, સર્ચ એન્જિન ઓપ્ટિમાઈઝેશન (SEO), કન્ટેન્ટ માર્કેટિંગ, ઈમેલ માર્કેટિંગ અને વેબ એનાલિટિક્સ જેવા કામનો સમાવેશ થાય છે. ડિજિટલ દુનિયા ઝડપથી વિકસી રહી છે અને સ્કિલ્ડ ડિજિટલ માર્કેટર્સની માંગ ખૂબ જ છે. અનુભવ અને સ્કિલ્સ સાથે, વ્યક્તિ આ ક્ષેત્રમાં ઘણી કમાણી કરી શકે છે. તમે ડિજિટલ માર્કેટિંગમાં ડિપ્લોમા કે સર્ટિફિકેટ કોર્સ અથવા BBA, BA કરી શકો છો.
કન્ટેન્ટ રાઈટર અથવા ક્રિએટર
જો તમને લખવાનો શોખ છે અને શબ્દો સાથે કેવી રીતે રમવું તે જાણો છો, તો કન્ટેન્ટ રાઈટિંગ તમારા માટે શ્રેષ્ઠ વિકલ્પ છે. તેમાં વિવિધ પ્લેટફોર્મ માટે આકર્ષક અને માહિતીપ્રદ કન્ટેન્ટ બનાવવાનો સમાવેશ થાય છે. બ્લોગ પોસ્ટ્સ, લેખો, વેબસાઈટ કન્ટેન્ટ, સ્ક્રિપ્ટ્સ, સોશિયલ મીડિયા પોસ્ટ્સ, એડવર્ટિઝમેન્ટ અને વીડિયો અથવા પોડકાસ્ટ માટે માર્કેટિંગ કન્ટેન્ટ લખવાના હોય છે. સારા, ઓરિજીનલ અને અસરકારક કન્ટેન્ટની માંગ હંમેશા રહે છે. કંપનીઓ અને વ્યક્તિઓ તેમની ઓનલાઈન હાજરી સુધારવા માટે સારા કન્ટેન્ટ ક્રિએટરને ચૂકવણી કરે છે. ફ્રીલાન્સિંગ પૈસા કમાવવાનો આ એક સારો માર્ગ છે. આ માટે, વ્યક્તિ અંગ્રેજી/હિન્દી સાહિત્યમાં BA, જર્નાલિઝમ અને માસ કોમ્યુનિકેશનમાં BA, અથવા કન્ટેન્ટ રાઈટિંગમાં સર્ટિફિકેટ કોર્સ કરી શકે છે.
ગ્રાફિક ડિઝાઈનર
ગ્રાફિક ડિઝાઈનિંગ એ વિઝ્યુઅલ કોમ્યુનિકેશનનું કલાત્મક ક્ષેત્ર છે. સર્જનાત્મકતા અને સૌંદર્ય શાસ્ત્રની ઊંડી સમજ ધરાવતા આર્ટસના વિદ્યાર્થીઓ તેમાં ખૂબ સફળ થઈ શકે છે. આ ક્ષેત્રમાં લોકો લોગો, વેબસાઈટ લેઆઉટ, એડવર્ટિઝમેન્ટ, બ્રોશર, મેગેઝિન, બુક કવર અને સોશિયલ મીડિયા ગ્રાફિક્સ સહિત વિઝ્યુઅલ બનાવે છે. તેઓ એડોબ ફોટોશોપ, ઈલસ્ટ્રેટર અને ઈનડિઝાઇન જેવા સોફ્ટવેરનો ઉપયોગ કરે છે. દરેક બ્રાન્ડ અને બિઝનેસને તેમની ઓળખ બનાવવા અને પ્રેક્ષકોને આકર્ષવા માટે આકર્ષક વિઝ્યુઅલની જરૂર હોય છે. તેથી સ્કિલ્ડ ગ્રાફિક ડિઝાઈનર્સની માંગ સતત વધી રહી છે. ગ્રાફિક ડિઝાઈનિંગમાં ડિપ્લોમા અથવા ડિગ્રી કોર્સ કરવા સિવાય તમે ડિઝાઈનમાં BA અને ગ્રાફિક ડિઝાઇનમાં B.Voc જેવા વિકલ્પ પસંદ કરી શકો છો.
ઈવેન્ટ મેનેજર
જો તમે ઈવેન્ટ્સનું આયોજન કરવામાં, લોકો સાથે જોડાવામાં અને સર્જનાત્મક રીતે વસ્તુઓનું આયોજન કરવામાં સારા છો, તો ઈવેન્ટ મેનેજમેન્ટ તમારા માટે એક રોમાંચક અને નફાકારક કારકિર્દી બની શકે છે. આ લોકો કોન્ફરન્સ, લગ્ન, કોન્સર્ટ, કોર્પોરેટ ઈવેન્ટ્સ, પ્રોડક્ટ લોન્ચ અને પાર્ટીઓ જેવી ઈવેન્ટ્સનું આયોજન કરે છે. આમાં બજેટિંગ, વેન્ડર્સ સાથે સંકલન અને લોજિસ્ટિક્સનું સંચાલન શામેલ છે. સફળ ઈવેન્ટ્સ માટે ઉત્તમ આયોજન અને અમલીકરણની જરૂર છે. મોટી ઈવેન્ટ્સ માટે કંપનીઓ અને વ્યક્તિઓ દ્વારા સારી ચૂકવણી કરવામાં આવે છે. આ માટે ઈવેન્ટ મેનેજમેન્ટમાં ડિપ્લોમા અથવા ડિગ્રી કોર્સ સાથે ઈવેન્ટ મેનેજમેન્ટમાં BBA કરી શકાય છે.
હ્યુમન રિસોર્સ મેનેજર
HR મેનેજર્સ કોઈપણ સંસ્થાની કરોડરજ્જુ છે, જે કર્મચારીઓનું સંચાલન કરવામાં અને પોઝિટીવ વર્ક કલ્ચર બનાવવામાં મહત્ત્વપૂર્ણ ભૂમિકા ભજવે છે. સાઈકોલોજી, સોશિયોલોજી અને હ્યુમન બિહેવિયરની ઊંડી સમજ ધરાવતા આર્ટસના વિદ્યાર્થીઓ આ ક્ષેત્રમાં ચમકી શકે છે. તેઓ ભરતી, કર્મચારી સંબંધો, ટ્રેનિંગ અને ગ્રોથ, પગાર અને લાભોનું સંચાલન અને કંપની નીતિઓનો અમલ જેવા કામો કરે છે. પ્રતિભાશાળી કર્મચારીઓને આકર્ષવા અને જાળવી રાખવા અને પ્રોડક્ટીવ વર્ક એન્વાયરમેન્ટ સુનિશ્ચિત કરવા માટે કોઈપણ કંપની માટે સારા HR પ્રોફેશનલ્સ આવશ્યક છે. આ ક્ષેત્રમાં પગાર અનુભવ સાથે વધે છે. આ ક્ષેત્રમાં જવામાટે, તમે BBA (હ્યુમન રિસોર્સ), BA (સાઈકોલોજી/સોશિયોલોજી), અથવા HRMમાં ડિપ્લોમા/PG ડિપ્લોમા કરી શકો છો.
