Last Update :
15 May 2025
સુરત બોગસ ડોક્ટરનું એપી સેન્ટર બની ગયું હોય તેવો ઘાટ સર્જાયો છે. રોજે રોજ આરોગ્ય સાથે ચેડાં કરતાં જોલાછાપ ડોક્ટરને ઝડપી લેવામાં આવ્યો છે. સુરત એસઓજી પોલીસે પરબમાંથી બીએસસી પાસ બોગસ ડોક્ટરને ઝડપી પાડ્યો હતો. બાતમી આધારે એસઓજી પોલીસ તેમજ વલણ પ્રાથમિક આરોગ્ય કેન્દ્ર મેડિકલ ઓફિસરની સંયુક્ત ટીમે પરબના ઓમ ઈન્ડસ્ટ્રીઝની માનસી ફેશન નીચે આવેલી દુકાન નંબર 3 મા રેઇડ કરી હતી.
GSTVની એપ્લિકેશન ડાઉનલોડ કરો
કોઈ જ ડિગ્રી ન મળી
સ્થળ પરથી મળેલી આવેલા અને ક્રિષ્ના ક્લીનિક એન્ડ સ્કીન કેરના નામે દવાખાનું ચલાવતા ઈસમની પૂછતાછ કરતા પોતે બીએસસી પાસ હોવાનું જણાવ્યું હતું.વતન યુ.પી ખાતેની હોસ્પિટલમાં બે વર્ષની કંપાઉન્ડર તરીકે કરેલી નોકરીના આધારે છેલ્લા ચાર મહિનાથી ક્લીનિક ચલાવતો હતો. ડોકટરી ડિગ્રી બાબતે માંગણી કરતા તેની પાસે કોઈ ડિગ્રી નહી હોવાનું જણાવ્યું હતું.
દવાઓ સહિતનો સામાન મળ્યો
હાજર મેડિકલ ઓફિસરની જાણકારી મુજબ ડોક્ટરી ડિગ્રી વિના દર્દીઓને એલોપેથીક દવા આપી શકે નહી. પોલીસે સ્થળ પરથી અલગ અલગ મેડિકલ સાધન સામગ્રી અને દવાઓ મળી 5500ના મુદ્દામાલ સહીત શિવમ મુરલીલાલ પટેલની અટક કરી આગળની કાર્યવાહી હાથ ધરી હતી.
