Last Update :
16 Apr 2025
પોલીસે ધરપકડ કરી
આ ઘટના નેલમંગલા ગ્રામીણ પોલીસ હદ હેઠળના સુધાર ગૃહમાં બની હોવાનું કહેવાય છે. આ ઘટના ફેબ્રુઆરી મહિનામાં બની હોવાનું કહેવામાં આવ્યું હતું, પરંતુ હવે ઘટનાના CCTV ફૂટેજ સામે આવ્યા છે, જેના આધારે પોલીસે સુઓ મોટો કેસ નોંધ્યો છે અને ખાનગી પુનર્વસન કેન્દ્રના માલિકની ધરપકડ કરી છે.
GSTVની એપ્લિકેશન ડાઉનલોડ કરો
CCTVમાં આરોપીઓ ખરાબ રીતે માર મારતા જોવા મળ્યા હતા
સેન્ટરના CCTV ફૂટેજમાં એક માણસ દર્દીને રૂમમાં બંધ કરીને લાકડીથી નિર્દયતાથી મારતો દેખાય છે, જ્યારે અન્ય લોકો ઉભા રહીને જોઈ રહ્યા છે. જેમ જેમ વીડિયો આગળ વધે છે તેમ, પીડિતને વારંવાર ખેંચવામાં આવે છે અને પછી માર મારવામાં આવે છે. આ પછી બીજો એક માણસ પણ ત્યાં આવે છે અને તે પણ તેને લાકડીથી મારતો રહે છે.
પોલીસે આપી આ માહિતી
આ કેસમાં, ગ્રામીણ બેંગલુરુના પોલીસ અધિક્ષક સીકે બાબાએ જણાવ્યું હતું કે આ ઘટના થોડા મહિના જૂની છે પરંતુ પીડિતએ તે સમયે ફરિયાદ કરી ન હતી જેના કારણે તે શોધી શકાયું ન હતું, ઘટનાના CCTV ફૂટેજ જાહેર થતાં જ પોલીસે સ્વતઃ નોંધ લીધી અને મુખ્ય આરોપી એટલે કે પુનર્વસન કેન્દ્રના માલિકની ધરપકડ કરી. આ ઘટનાની જાણ થતાં, બેંગલુરુ ગ્રામીણ પોલીસે સેન્ટર પર દરોડો પાડ્યો અને હુમલાના સંદર્ભમાં વોર્ડન અને માલિક બંને સામે કેસ નોંધ્યો. માલિકની ધરપકડ કરવામાં આવી છે. પીડિત હવે ત્યાં રહેતો નથી. એવું કહેવામાં આવી રહ્યું છે કે તે ઘણા સમય પહેલા ત્યાંથી ચાલ્યો ગયો હતો.
સીકે બાબાએ વધુમાં જણાવ્યું હતું કે આ સેન્ટરના મુખ્ય વ્યક્તિ, જે આ વીડિયોમાં પણ દેખાય છે, તેમની કેટલીક વધુ તસવીરો પણ સામે આવી છે જેમાં તે જાહેરમાં તલવાર વડે કેક કાપતો નજર આછે. આ ઘટના થોડા દિવસો પહેલા નેલમંગલા ગ્રામીણ પોલીસ સ્ટેશનની હદમાં આવેલા એક ખાનગી પુનર્વસન કેન્દ્રમાં બની હતી. આ માહિતી મળતાની સાથે જ પોલીસે કેસ નોંધ્યો છે અને આ સેન્ટરના માલિકની ધરપકડ કરવામાં આવી છે.
