Last Update :
17 Apr 2025
રાજસ્થાન રોયલ્સ (RR) ને મોટો ઝટકો છે. ટીમનો કેપ્ટન સંજુ સેમસન (Sanju Samson) ફરી એકવાર ઈજાગ્રસ્ત થયો છે. IPL 2025ની 32મી મેચ દરમિયાન સંજુ (Sanju Samson) મેદાન પર બેટિંગ કરવા આવ્યો હતો. પરંતુ DC સામે 31 રન બનાવ્યા બાદ સંજુ રિટાયર્ડ હર્ટ થઈને મેદાનની બહાર ગયો હતો. તેને ખૂબ દુખાવો થતો હતો. સેમસનની ઈજા અંગે RR તરફથી હજુ સુધી કોઈ પ્રતિક્રિયા નથી આવી.
GSTVની એપ્લિકેશન ડાઉનલોડ કરો
DC એ પ્રથમ બેટિંગ કરતા RRને 189 રનનો ટાર્ગેટ આપ્યો હતો. આ દરમિયાન સંજુ અને યશસ્વી ઓપનિંગ કરવા આવ્યા હતા. RRની ઈનિંગની છઠ્ઠી ઓવર દરમિયાન સંજુ (Sanju Samson) બેટિંગ કરી રહ્યો હતો. આ ઓવર DC તરફથી વિપરાજ નિગમ નાખી રહ્યો હતો. આ ઓવરના ત્રીજા બોલ પર સંજુએ શોટ ફટકાર્યો અને બોલ લોંગ ઓફ તરફ ગયો. પણ સંજુ એ રન ન લીધો. આ પછી તરત જ સંજુને દુખાવો થયો હતો.
સંજુ સેમસન મેદાનની બહાર ગયો
આ દરમિયાન, RRના ફિઝિયો મેદાન પર પહોંચી ગયા. તેણે સંજુ (Sanju Samson) ની પાંસળીઓ તપાસી. બ્રેક દરમિયાન તેણે એક ગોળી પણ લીધી હતી. પરંતુ જ્યારે બધું કામ ન કર્યું, ત્યારે તે મેદાનની બહાર ચાલ્યો ગયો. આ ઈનિંગ દરમિયાન સંજુ એ 19 બોલનો સામનો કર્યો અને 31 રન બનાવ્યા હતા. આ દરમિયાન તેણે 2 ચોગ્ગા અને 3 છગ્ગા ફટકાર્યા હતા.
શું સંજુ સેમસન IPL 2025માંથી બહાર થશે?
સંજુની વર્તમાન સ્થિતિ અંગે હજુ સુધી કોઈ સત્તાવાર માહિતી સામે નથી આવી. તે તાજેતરમાં ઈજામાંથી સ્વસ્થ થયા બાદ પાછો ફર્યો હતો. તેના અંગૂઠા પર સર્જરી કરવામાં આવી હતી. હવે તે ફરીથી ઈજાગ્રસ્ત થયો છે. જો સંજુ (Sanju Samson) ની ઈજા ગંભીર નહીં હોય તો તે ટૂંક સમયમાં મેદાનમાં પાછો ફરી શકે છે. પરંતુ જો કોઈ ગંભીર ઈજા થાય છે, તો તે આખી સિઝન માટે બહાર થઈ શકે છે.
તમને જણાવી દઈએ કે DC એ પહેલા બેટિંગ કરતા 188 રન બનાવ્યા હતા. જવાબમાં, RR એ પણ 20 ઓવરમાં 188 રન બનાવ્યા હતા. આ પછી સુપર ઓવર થઈ હતી. જેમાં દિલ્હીએ રાજસ્થાનને હરાવ્યું હતું.
