Last Update :
16 Jun 2025
અમદાવાદ શહેરમાં આજે વીજળીના કડાકા-ભડાકા સાથે ધોધમાર વરસાદ તૂટી પડ્યો હતો. અચાનક આવેલા આ ભારે વરસાદને કારણે શહેરના અનેક વિસ્તારોમાં પાણી ભરાઈ ગયા હતા, જેના પગલે જનજીવન પ્રભાવિત થયું હતું. શહેરમાં પડેલા ભારે વરસાદ વચ્ચે દુર્ઘટના બની છે જેમાં એક વ્યક્તિનું મોત થયું છે.
GSTVની એપ્લિકેશન ડાઉનલોડ કરો
અમદાવાદ શહેરમાં ભારે પવન સાથે પડેલા વરસાદ વચ્ચે 15 થી વધારે જગ્યા પર ઝાડ પડ્યા છે. ઘી કાંટા વિસ્તારમાં ભરાયેલા પાણી વચ્ચે એક વ્યક્તિને વીજ કરંટ લાગ્યો હતો. મોટી હમામની પોળ નજીક ઇલેક્ટ્રીક પોલ પાસે પસાર થતા વ્યક્તિને વીજ કરંટ લાગતા મોત નીપજયું હતો. યુવકના મોતને પગલે સ્થાનિકોએ ફાયર બ્રિગેડ, 108 અને કોર્પોરેશનને જાણ કરી હતી.
