Last Update :
25 Mar 2025
બોલિવૂડ સુપરસ્ટાર અક્ષય કુમાર સાથે ફિલ્મ 'સિંહ ઈઝ બ્લિંગ'માં સ્ક્રીન શેર કરનારી અભિનેત્રી એમી જેક્સ બીજી વખત માતા બની છે. એમી જેક્સને 24 માર્ચે માહિતી આપી હતી કે તે ફરીથી માતા બની છે. અભિનેત્રીએ ઇન્સ્ટાગ્રામ પર એક પોસ્ટ દ્વારા ફેન્સ સાથે આ ખુશખબર શેર કરી છે. આ સાથે, અભિનેત્રીએ તેના પુત્રનું નામ પણ જાહેર કર્યું છે જે ખૂબ જ અનોખું અને ખાસ છે.
GSTVની એપ્લિકેશન ડાઉનલોડ કરો
એમી જેક્સને પુત્રને જન્મ આપ્યો છે. તેણે ઇન્સ્ટાગ્રામ પર ત્રણ ફોટો પોસ્ટ કર્યા છે. તેમણે પોતાના દીકરાની ઝલક પણ બતાવી છે. પહેલા ફોટોમાં તે તેના નવજાત બાળક અને પતિ એડ વેસ્ટવિક સાથે જોવા મળે છે. બીજા ફોટામાં, અભિનેત્રીએ તેના પુત્રનો હાથ બતાવ્યો છે. જ્યારે ત્રીજા ફોટામાં, અભિનેત્રી તેના પુત્રને કિસ કરતી અને તેના પર પ્રેમ વરસાવતી જોવા મળે છે.
આ એવોર્ડ પરથી પુત્રનું નામ રાખ્યું
ત્રણેય ફોટો બ્લેક and વ્હાઈટ છે. જોકે અભિનેત્રીએ દીકરાનો ચહેરો યોગ્ય રીતે નથી બતાવ્યો, પરંતુ તેણે તેનું નામ જાહેર કર્યું છે. એમીએ પોતાના પુત્રનું નામ સિનેમા જગતના સૌથી મોટા પુરસ્કાર 'ઓસ્કાર' પરથી રાખ્યું છે. પોસ્ટના કેપ્શનમાં લખ્યું, "દુનિયામાં સ્વાગત છે, બેબી બોય. ઓસ્કાર એલેક્ઝાન્ડર વેસ્ટવિક."
એમી-એડના લગ્ન 2024માં થયા હતા
માત્ર એમીએ જ માતા બનવાના ખુશખબર શેર કર્યા નથી, પરંતુ તેના પતિ એડ વેસ્ટવિકે પણ પિતા બનવાની ખુશી વ્યક્ત કરી છે. તેણે પણ આ ફોટો સોશિયલ મીડિયા પર પોસ્ટ કરી છે. આ એડ અને એમીનું પહેલું બાળક છે જ્યારે એમીનું બીજું બાળક છે.
એડ અને એમીએ 2024માં ખૂબ જ ધામધૂમથી લગ્ન કર્યા હતા. લગ્ન પહેલા બંને ઘણા વર્ષો સુધી રિલેશનશિપમાં હતા. એડ પહેલા, એમી જ્યોર્જ પેનિટો સાથે સંબંધમાં હતી. બંનેની સગાઈ થઈ ગઈ હતી અને લગ્ન કરવાના હતા પણ તે પહેલાં જ એમી અને જ્યોર્જ અલગ થઈ ગયા. પરંતુ જ્યોર્જ સાથેના સંબંધ દરમિયાન, એમીએ એક પુત્રને જન્મ આપ્યો હતો. જ્યોર્જથી અલગ થયા પછી, એમીએ એડસાથે લગ્ન કર્યા.
