Last Update :
17 Feb 2025
વિશ્વ પ્રખ્યાત સિંગર-સોંગ રાઈટર શકીરા હાલમાં તેના સ્વાસ્થ્યને કારણે સોશિયલ મીડિયા પર ખૂબ ટ્રેન્ડ કરી રહી છે. સિંગરને પેરુમાં એક કોન્સર્ટમાં પહોંચવાનું હતું જ્યાં ફેન્સ તેની રાહ જોઈ રહ્યા હતા. પરંતુ આ પહેલા શકીરાની તબિયત એટલી બગડી ગઈ કે તેને સીધી હોસ્પિટલમાં દાખલ કરવી પડી. સિંગરે પોતે સોશિયલ મીડિયા પોસ્ટ દ્વારા આ માહિતી આપી છે.
GSTVની એપ્લિકેશન ડાઉનલોડ કરો
ડોક્ટરોએ શકીરાને પરફોર્મ ન કરવાની સલાહ આપી
રવિવારે, શકીરાએ તેના એક્સ હેન્ડલ પર એક પોસ્ટ શેર કરી. આ પોસ્ટમાં તેણે જણાવ્યું હતું કે તે હોસ્પિટલમાં દાખલ છે અને તેને પેટ સંબંધિત સમસ્યા છે. શકીરાએ એ પણ માહિતી આપી કે તેના ડોક્ટરોએ તેને પરફોર્મ કરવાની મનાઈ કરી છે. પોસ્ટમાં, 48 વર્ષીય પોપ સિંગરે લખ્યું, 'તમને બધાને જણાવતા દુઃખ થાય છે કે ગઈકાલે રાત્રે પેટની સમસ્યાને કારણે મને ERમાં જવું પડ્યું અને હું હાલમાં હોસ્પિટલમાં દાખલ છું.'
https://twitter.com/shakira/status/1891198714099716369
શકીરાએ વધુમાં કહ્યું કે ડોક્ટરોએ તેને પરફોર્મ ન કરવાની સલાહ આપી છે કારણ કે તે સ્ટેજ પર આવવા માટે યોગ્ય સ્થિતિમાં નથી. શકીરાએ શો રદ થવા પર નિરાશા વ્યક્ત કરી છે. તેણે પોસ્ટમાં ફેન્સને કહ્યું, 'હું પેરુમાં મારા ફેન્સ માટે પરફોર્મ કરવા માટે આતુરતાથી રાહ જોઈ રહી હતી. મને ખૂબ જ દુઃખ છે કે હું આજે સ્ટેજ પર નહીં જઈ શકું. પેરુમાં મારા ફેન્સને મળવા માટે હું ખૂબ જ ઉત્સાહિત હતી.' તેણે એમ પણ કહ્યું કે તેની ટીમ અને કોન્સર્ટ પ્રમોટર્સ પહેલેથી જ નવી તારીખ પર કામ કરી રહ્યા છે.
શકીરાનું વર્ક ફ્રંટ
શકીરાના કામ વિશે વાત કરીએ તો, તે હાલમાં તેના નવા આલ્બમ 'Las Mujeres Ya No Lloran'નું પ્રમોશન કરી રહી છે. અને પ્રમોશન માટે ટૂર પર છે. શકીરાની ટૂર લેટિન અમેરિકામાં શરૂ થશે અને મે મહિનામાં કેનેડા અને અમેરિકામાં પણ તેના કોન્સર્ટ થવાની અપેક્ષા છે. એવી અપેક્ષા છે કે સિંગર જલ્દી સ્વસ્થ થઈ જશે અને તેના ફેન્સને તેના ગીતો પર નાચવા માટે મજબૂર કરશે.
