Last Update :
24 Jun 2025
આમીર ખાનની ફિલ્મ 'સિતારે જમીન પર' (Sitare Zameen Par) વર્ષની મચઅવેઈટેડ ફિલ્મ હતી. આ ફિલ્મ સાથે, બોલિવૂડના મિસ્ટર પરફેક્શનિસ્ટે ત્રણ વર્ષ પછી મોટા પડદા પર વાપસી કરી છે. જોકે આ ફિલ્મ પાસેથી કંઈ ખાસ કરવાની અપેક્ષા નહતી, પરંતુ ફિલ્મે રિલીઝ સાથે જ બોક્સ ઓફિસ પર કબજો જમાવી લીધો છે. ફિલ્મે માત્ર શાનદાર ઓપનિંગ જ નહીં પરંતુ વિકએન્ડ પર પણ ઘણી કમાણી કરી હતી. હવે બધાની નજર સોમવારના કલેક્શન પર છે, ચાલો અહીં જાણીએ 'સિતારે જમીન પર' (Sitare Zameen Par) એ તેની રિલીઝના ચોથા દિવસે એટલે કે પહેલા સોમવારે કેટલી કમાણી કરી?
GSTVની એપ્લિકેશન ડાઉનલોડ કરો
'સિતારે જમીન પર' એ ચોથા દિવસે કેટલી કમાણી કરી?
'સિતારે જમીન પર' (Sitare Zameen Par) માં આમિર ખાન અને જેનેલિયા ડિસોઝાની સાથે, ઘણા નવા કલાકારોએ મહત્ત્વપૂર્ણ ભૂમિકાઓ ભજવી છે. આ ફિલ્મની વાર્તા ખૂબ જ અદ્ભુત છે અને સ્ટાર કાસ્ટનો અભિનય પણ જોરદાર છે. જેના કારણે આ ફિલ્મ દર્શકોને પ્રભાવિત કરવામાં સફળ રહી છે. આ ફિલ્મે પહેલા વિકએન્ડ પર પણ ધમાલ મચાવી દીધી.
જોકે પહેલા સોમવારે ફિલ્મનું કલેક્શન ઘટ્યું છે અને તે ચોથા દિવસે બે આંકડામાં કમાણી કરવામાં ચૂકી ગઈ છે, તેમ છતાં વર્કિંગ ડે પર તેણે સારી કમાણી કરી છે. આ બધા વચ્ચે ફિલ્મના કલેક્શનની વાત કરીએ તો,
- 'સિતારે જમીન પર' એ તેની રિલીઝના પહેલા દિવસે 10.7 કરોડની કમાણી કરી હતી.
- બીજા દિવસે, ફિલ્મે 20.2 કરોડ અને ત્રીજા દિવસે તેનું કલેક્શન 27.25 કરોડ રૂપિયા હતું.
- સેકનલિકના શરૂઆતના ટ્રેન્ડ રિપોર્ટ મુજબ, 'સિતારે જમીન પર' એ તેની રિલીઝના ચોથા દિવસે 8.50 કરોડનો બિઝનેસ કર્યો છે.
- આ સાથે, 4 દિવસમાં 'સિતારે જમીન પર' ની કુલ કમાણી હવે 66.65 કરોડ રૂપિયા થઈ ગઈ છે.
'સિતારે જમીન પર' એ આ ફિલ્મનો રેકોર્ડ તોડ્યો
આમિર ખાનની છેલ્લી રિલીઝ 'લાલ સિંહ ચઢ્ઢા' એ 61.36 કરોડ રૂપિયા કલેક્શન કર્યું હતું અને તે બોક્સ ઓફિસ પર ડિઝાસ્ટર સાબિત થઈ હતી. પરંતુ, 'સિતારે જમીન પર' (Sitare Zameen Par) એ માત્ર ચાર દિવસમાં 66 કરોડથી વધુ કમાણી કરીને 'લાલ સિંહ ચઢ્ઢા' ના લાઈફટાઈમ કલેક્શનને સરળતાથી પાછળ છોડી દીધું છે. 'સિતારે જમીન પર' (Sitare Zameen Par) એ ચાર દિવસમાં આમિર ખાનની 'તારે જમીન પર' ના 61.83 કરોડના લાઈફટાઈમ કલેક્શનને પણ પાછળ છોડી દીધું છે. આ સાથે, 'સિતારે જમીન પર' (Sitare Zameen Par) આમિર ખાનના કરિયરની સાતમી સૌથી વધુ કમાણી કરનારી ફિલ્મ બની ગઈ છે.
'સિતારે જમીન પર' નું બજેટ
જોકે નિર્માતાઓએ હજુ સુધી ફિલ્મનું બજેટ સત્તાવાર રીતે જાહેર નથી કર્યું, પરંતુ આમિર ખાન અભિનીત આ ફિલ્મ 90 કરોડ રૂપિયાના બજેટમાં બનેલી હોવાનું કહેવાય છે. આ ફિલ્મનું નિર્દેશન આર.એસ. પ્રસન્ના દ્વારા કરવામાં આવ્યું છે. 'સિતાર જમીન પર' (Sitare Zameen Par) માં આમિર ખાન ઉપરાંત જેનેલિયા દેશમુખ અને 10 દિવ્યાંગ લોકોએ મહત્ત્વપૂર્ણ ભૂમિકાઓ ભજવી છે.
