Last Update :
27 Jun 2025
'પુષ્પા' જેવી સુપરહિટ ફિલ્મમાં પોતાની મજબૂત હાજરીથી બધાનું દિલ જીતી લેનારી રશ્મિકા મંદન્ના હવે એકદમ નવા અને ન જોયેલા રૂપમાં દર્શકો સમક્ષ આવવાની છે. શુક્રવાર, 27 જૂન 2025ના રોજ, તેની આગામી ફિલ્મ 'મૈસા' (Mysaa) નો ફર્સ્ટ લુક પોસ્ટર સત્તાવાર રીતે લોન્ચ કરવામાં આવ્યો હતો. આ ભાવનાત્મક એક્શન થ્રિલર ફિલ્મ રવિન્દ્ર પુલે દ્વારા લખાયેલી અને દિગ્દર્શિત છે, જેમને 'સીતા રામમ', 'અર્ધ શતાબ્દી' અને 'અર્જુન ચક્રવર્તી' જેવી ફિલ્મો માટે પ્રશંસા મળી છે. 'મૈસા' (Mysaa) નું નિર્માણ અજય અને અનિલ સૈયપુરેડ્ડી દ્વારા કરવામાં આવ્યું છે, જ્યારે સાઈ ગોપા આ પ્રોજેક્ટના કો-પ્રોડ્યુસર છે. આ ફિલ્મ અનફોર્મ્યુલા ફિલ્મ્સના બેનર હેઠળ બની રહી છે.
GSTVની એપ્લિકેશન ડાઉનલોડ કરો
રશ્મિકાનો નવો અવતાર
રશ્મિકાએ તેના ઓફિશિયલ ઇન્સ્ટાગ્રામ હેન્ડલ પર ફિલ્મનો ફર્સ્ટ લુક શેર કર્યો અને લખ્યું, "હું હંમેશા તમને કંઈક નવું આપવાનો પ્રયાસ કરું છું... કંઈક અલગ... કંઈક રોમાંચક... અને આ... આ તેમાંથી એક છે... એક એવું પાત્ર જે મેં પહેલાં ક્યારેય નથી ભજવ્યું... એક એવી દુનિયા જેમાં મેં ક્યારેય પગ નથી મૂક્યો... અને મારો એક એવો ભાગ જેને હું હજી સુધી નથી મળી. તે ભયંકર છે, તે તીવ્ર છે અને તે રો છે. હું ખૂબ જ નર્વસ અને ખૂબ જ ઉત્સાહિત છું... આ તો ફક્ત શરૂઆત છે. #Maisa"
લોકોની પ્રતિક્રિયા
પોસ્ટરમાં રશ્મિકાને એક ખૂંખાર મહિલાના અવતારમાં, સાડી પહેરેલી, લોહીથી લથપથ ચહેરા સાથે બતાવવામાં આવી છે. તેની આંખોમાં એક સાથે દૃઢ નિશ્ચય અને પીડાની ઝલક જોવા મળે છે. તેના હાથમાં એક તીક્ષ્ણ હથિયાર પણ છે. આ લુક આજ સુધીના તેના કોઈપણ પાત્રો કરતાં સંપૂર્ણપણે અલગ લાગે છે. ફિલ્મના ટાઈટલ રીવીલ અને ફર્સ્ટ લુક પોસ્ટરે સોશિયલ મીડિયા પર ધૂમ મચાવી છે. એક યુઝરે લખ્યું, "રશ્મિકા આગ વરસાવી રહી છે, આ ફિલ્મ બ્લોકબસ્ટર હશે!" જ્યારે બીજા એકે ટિપ્પણી કરી, "આ એક સુપરહિટ ફિલ્મ હશે મેમ, આતુરતાથી રાહ જોઈ રહ્યું છું." આના એક દિવસ પહેલા, ગુરુવારે, રશ્મિકાએ તેના ઇન્સ્ટાગ્રામ હેન્ડલ પર તેની આગામી ફિલ્મની પહેલી ઝલક શેર કરી અને તેના ફેન્સને વચન આપ્યું કે જે લોકો સાચા ટાઈટલનો અંદાજ લગાવશે તેને તે રૂબરૂ મળશે.
રશ્મિકા આ ફિલ્મમાં જોવા મળી હતી
તાજેતરમાં, રશ્મિકા મંદન્ના ફિલ્મ 'કુબેર' માં જોવા મળી હતી, જેમાં તેણે ધનુષ અને નાગાર્જુન જેવા અનુભવી કલાકારો સાથે મુખ્ય ભૂમિકા ભજવી હતી. આ ફિલ્મનું દિગ્દર્શન શેખર કમ્મુલા દ્વારા કરવામાં આવ્યું હતું અને શ્રી વેંકટેશ્વર સિનેમા એલએલપી અને એમિગોસ ક્રિએશન્સ બેનર હેઠળ બનાવવામાં આવી હતી. તેના ફેન્સ 'મૈસા' માં રશ્મિકાના આ નવા અવતારને જોવા માટે ખૂબ જ ઉત્સાહિત છે. જો પોસ્ટર કોઈ સંકેત છે, તો ફિલ્મ માત્ર એક એક્શન થ્રિલર જ નહીં પરંતુ તેમાં ઊંડાણ અને ભાવનાત્મક જોડાણ પણ હશે.
