Last Update :
16 May 2025
બોલિવૂડની દુનિયામાં નામ કમાવવું સરળ નથી. દરરોજ હજારો લોકો અભિનેતા બનવાનું સ્વપ્ન લઈને મુંબઈ આવે છે, જેમાંથી ફક્ત થોડા લોકોને જ તક મળે છે અને તેમાંથી પણ અમુક લોકો જ મોટું નામ કમાઈ શકે છે. આજે આપણે આવા જ એક અભિનેતા વિશે વાત કરવા જઈ રહ્યા છીએ. જેના પિતા ઈન્ડસ્ટ્રીમાં એક્શન ડાયરેક્ટર હતા, તેથી અભિનેતાને એવું લાગ્યું કે તેને તેમની ફિલ્મોમાં કામ મળશે. પરંતુ એવું ન થયું અને શરૂઆતમાં તેને ઘણો સંઘર્ષ કરવો પડ્યો. પરંતુ આજે આ અભિનેતા ઈન્ડસ્ટ્રીના મોટા સુપરસ્ટાર્સને પણ સ્પર્ધા આપે છે અને તેનું નામ બોલિવૂડના બેસ્ટ એક્ટર્સની યાદીમાં સામેલ છે.
GSTVની એપ્લિકેશન ડાઉનલોડ કરો
આ અભિનેતા કોણ છે?
આ અભિનેતા બીજું કોઈ નહીં પણ વિક્કી કૌશલ (Vicky Kaushal) છે જે 'મનમર્ઝિયાં', 'ઉરી', 'ઉધમ સિંહ', 'સંજુ' અને 'છાવા' જેવી ફિલ્મોમાં જોવા મળ્યો છે. વિક્કી (Vicky Kaushal) આજે એટલે કે 16 મેના રોજ તેનો 37મો જન્મદિવસ ઉજવી રહ્યો છે. આ અભિનેતાએ પોતાના અભિનયથી લોકોના દિલમાં એક અલગ જ છાપ છોડી છે. અહીં સુધી પહોંચવા માટે તેને ખૂબ જ મહેનત કરવી પડી હતી, જેના વિશે તેણે ઘણા ઇન્ટરવ્યુમાં કહ્યું છે કે તેનું બાળપણ ચોલમાં વિત્યું હતું અને તેના પિતાએ ખૂબ જ મહેનત કરી છે. બાળપણમાં જ્યારે અભિનેતા તેના પિતા સાથે ફિલ્મ સેટ પર જતો હતો, ત્યારે ત્યાંથી તેને અભિનય તરફ ઝુકાવ થયો. પરંતુ તેના પિતાએ તેને કહ્યું કે તેઓ આમાં તેની મદદ નહીં કરી શકે. તેથી અભિનેતાએ અનેક ઓડિશન આપ્યા, કામ માંગવા માટે વારંવાર અલગ અલગ જગ્યાએ ગયો. જે પછી તે 'ગેંગ્સ ઓફ વાસેપુર' નો આસિસ્ટન્ટ ડાયરેક્ટર બન્યો.
આ રીતે બન્યો બોલિવૂડ સ્ટાર
વર્ષ 2015માં, વિક્કીને ફિલ્મ "મસાન" થી પહેલો બ્રેક મળ્યો. ફિલ્મની વાર્તા ખૂબ જ સારી હતી, પરંતુ વિક્કીને તેમાંથી જોઈતી ઓળખ ન મળી શકી. આ પછી, 2016માં, વિક્કી કૌશલે નવાઝુદ્દીન સિદ્દીકી સાથે 'રમન રાઘવ' માં પણ કામ કર્યું હતું. ત્યારબાદ વિક્કીએ આલિયા ભટ્ટ સાથે 'રાઝી' માં પણ એક રોલ ભજવ્યો હતો, આ ફિલ્મમાં તેણે તેના અભિનયથી લોકોના દિલ જીતી લીધા હતા. વર્ષ 2018માં, તે રણબીર કપૂર સાથે 'સંજુ' માં સાઈડ રોલમાં દેખાયો હતો. 2019માં ફિલ્મ 'ઉરી: ધ સર્જિકલ સ્ટ્રાઈક' સાથે અભિનેતાનું નસીબ બદલાઈ ગયું, ત્યારબાદ બધા વિક્કીવિશે વાત કરવા લાગ્યા. ત્યારથી, તે બોલિવૂડ સ્ટાર બની ગયો. થોડા સમય પહેલા, અભિનેતાની ફિલ્મ 'છાવા' એ પણ થિયેટરમાં ધૂમ મચાવી હતી.
