Last Update :
08 Apr 2025
અમેરિકામાં ભારતીય મૂળના એક યુવક પર ફ્લાઈટમાં યૌન શોષણનો આરોપ લાગ્યો છે. અહેવાલો અનુસાર, 36 વર્ષીય ભારતીય મૂળના વ્યક્તિએ ડોમેસ્ટિક ફ્લાઇટમાં સાથી મુસાફર સાથે આવું કૃત્ય કર્યું. મોન્ટાનાના ફેડરલ પ્રોસિક્યુટર કર્ટ એલ્મે ત્રીજી એપ્રિલના રોજ એક નિવેદનમાં જણાવ્યું હતું કે, 'ભાવેશકુમાર શુક્લા પર મોન્ટાનાથી ટેક્સાસ જતી ફ્લાઇટમાં sexual assault (યૌન શોષણ)નો આરોપ છે.'
GSTVની એપ્લિકેશન ડાઉનલોડ કરો
જો દોષિત ઠરે તો શું થશે?
અહેવાલો અનુસાર, ભાવેશકુમાર શુક્લા ન્યુ જર્સીના લેક હિયાવાથાના રહેવાસી છે. તેમની ઉપર અમેરિકાની સ્પેશિયલ એરક્રાફ્ટમાં યૌન શોષણનો આરોપ છે. જો ભાવેશકુમાર શુક્લા દોષિત ઠરે છે, તો તેને બે વર્ષની જેલની સજા થઈ શકે છે. આ ઉપરાંત 2,50,000 અમેરિકન ડોલરનો દંડ પણ થઈ શકે છે. આ ઉપરાંત પાંચ વર્ષ સુધી નજરકેદ રહેવું પડશે.
17ની એપ્રિલે થશે સુનાવણી
ભાવેશકુમાર શુક્લાએ 17મી એપ્રિલે ફરિયાદ પક્ષમાં હાજર થવાનું છે. તેમના પર એવો આરોપ મૂકવામાં આવ્યો છે કે 26મી જાન્યુઆરી 2025ના રોજ બોઝેમેનથી ડલ્લાસ જતી અમેરિકન એરલાઇન્સની ફ્લાઇટમાં તેણે પરવાનગી વિના યુવતી સાથે જાતીય સંબંધ બાંધ્યા હતા. અમેરિકાની એટર્ની ઓફિસ આ કેસ ચલાવી રહી છે. આ કેસની તપાસ ફેડરલ બ્યુરો ઓફ ઇન્વેસ્ટિગેશન (FBI), યુનાઇટેડ સ્ટેટ્સ ઇમિગ્રેશન (ICE) અને ડલ્લાસ ફોર્ટ વર્થ ઇન્ટરનેશનલ એરપોર્ટ પોલીસ દ્વારા કરવામાં આવી હતી.
