Last Update :
15 May 2025
ભારત અને પાકિસ્તાન વચ્ચે યુદ્ધવિરામ પર સર્વસંમતિ બાદ, IPL 2025 માટેનો માર્ગ પણ મોકળો થયો છે અને તેનું નવું શેડ્યૂલ પણ જાહેર કરવામાં આવ્યું છે. ભારત અને પાકિસ્તાન વચ્ચેના તણાવને કારણે IPL 2025 અધવચ્ચે જ રોકી દેવામાં આવી હતી. હવે 17 મેથી ફરી IPL શરૂ થવા જઈ રહી છે. ત્રણ ટીમો, ચેન્નાઈ સુપર કિંગ્સ (CSK), સનરાઈઝર્સ હૈદરાબાદ (SRH) અને રાજસ્થાન રોયલ્સ (RR) પહેલાથી જ પ્લેઓફની રેસમાંથી બહાર થઈ ગઈ છે. જ્યારે બે ટીમોને પ્લેઓફમાં પહોંચવા માટે ફક્ત એક-એક જીતની જરૂર છે.
GSTVની એપ્લિકેશન ડાઉનલોડ કરો
ગુજરાત ટાઈટન્સે સારું પ્રદર્શન કર્યું
શુભમન ગિલની કેપ્ટનશિપ હેઠળ, ગુજરાત ટાઈટન્સ (GT) ની ટીમે વર્તમાન સિઝનમાં ખૂબ જ સારું પ્રદર્શન કર્યું છે. ટીમે અત્યાર સુધીમાં 11 મેચ રમી છે, જેમાંથી તેણે 8 જીતી છે અને માત્ર ત્રણ મેચ હારી છે. 16 પોઈન્ટ સાથે તેની નેટ રન રેટ પ્લસ 0.793 છે. તે પોઈન્ટ્સ ટેબલમાં ટોપ પર છે.
ગુજરાત ટાઈટન્સની ત્રણ મેચ બાકી
GTની આ સિઝનમાં હજુ પણ કુલ ત્રણ મેચ બાકી છે, જે તેને દિલ્હી કેપિટલ્સ (DC) , લખનૌ સુપર જાયન્ટ્સ (LSG) અને ચેન્નાઈ સુપર કિંગ્સ (CSK) સામે રમવાની છે. જો GTની ટીમ આ ત્રણ મેચમાંથી એક પણ જીતી જાય તો તે પ્લેઓફમાં સરળતાથી પહોંચી જશે. પરંતુ જો તેઓ બાકીની ત્રણેય મેચ હારી જાય, તો તેના માટે પ્લેઓફમાં પહોંચવું મુશ્કેલ બની શકે છે કારણ કે ચાર ટીમો હજુ પણ 17 કે તેથી વધુ પોઈન્ટ સાથે લીગ સ્ટેજ પૂર્ણ કરી શકે છે.
પોઈન્ટ્સ ટેબલમાં બીજા સ્થાને છે RCB
બીજી તરફ, રજત પાટીદારની કેપ્ટનશિપમાં, રોયલ ચેલેન્જર્સ બેંગલુરુ(RCB) ની ટીમે પણ અત્યાર સુધીમાં 11 મેચ રમી છે, જેમાંથી તેણે 8 જીતી છે અને માત્ર ત્રણ મેચ હારી છે. 16 પોઈન્ટ સાથે તેની નેટ રન રેટ પ્લસ 0.482 છે. તે પોઈન્ટ્સ ટેબલમાં બીજા સ્થાને છે. RCBની વર્તમાન સિઝનમાં કુલ ત્રણ મેચ બાકી છે, જે તેને કોલકાતા નાઈટ રાઈડર્સ (KKR), સનરાઈઝર્સ હૈદરાબાદ (SRH) અને લખનૌ સુપર જાયન્ટ્સ (LSG) સામે રમવાની છે. જો RCB ટીમ આ ત્રણ મેચોમાંથી એક પણ જીતે છે, તો પ્લેઓફમાં તેનો પ્રવેશ નિશ્ચિત થઈ જશે. બીજી તરફ GTની જેમ જ જો RCB ત્રણેય મેચ હારી જાય છે, તો તેના માટે મુશ્કેલી ઉભી થઈ શકે છે.
