Gujarat હવામાન વિભાગ દ્વારા આગામી 4 દિવસ માટે ભારે વરસાદની આગાહી, 10 જિલ્લામાં યલો ઍલર્ટ

Gujarat Weather News: રાજ્યમાં છેલ્લા 3-4 દિવસથી છૂટોછવાયો વરસાદ વરસી રહ્યો છે, ત્યારે હવામાન વિભાગે આગામી 16 જુલાઈ સુધી ભારે વરસાદની આગાહી કરી છે. જેમાં આગામી 4 દિવસ સુધી ઉત્તર ગુજરાતના મોટાભાગના વિસ્તારોમાં વરસાદનું જોર દેખાશે. જ્યારે આજે (12 જુલાઈ) સાબરકાંઠા, અરવલ્લી, મહીસાગર, દાહોદ, પંચમહાલ જિલ્લામાં યલો ઍલર્ટ જાહેર કર્યુ છે. ચાલો જાણીએ આગામી 4 દિવસ કેવુ રહેશે હવામાન.

GSTVની એપ્લિકેશન ડાઉનલોડ કરો

   

આવતીકાલે 10 જિલ્લામાં યલો ઍલર્ટ

હવામાન વિભાગની આગાહી મુજબ, રાજ્યમાં આવતીકાલે રવિવારે (13 જુલાઈ) અરવલ્લી અને મહીસાગર જિલ્લામાં અતિભારે વરસાદને લઈને ઑરેન્જ ઍલર્ટ અને અમરેલી, ભાવનગર, ખેડા, આણંદ, પંચમહાલ, દાહોદ, બનાસકાંઠા, સાબરકાંઠા જિલ્લામાં ભારે વરસાદને લઈને યલો ઍલર્ટ જાહેર કર્યુ છે.

14-16 જુલાઈની આગાહી

હવામાન વિભાગે આગામી 14-15 જુલાઈના રોજ ઉત્તર ગુજરાતના 10 જિલ્લામાં યલો-ઑરેન્જ ઍલર્ટ જાહેર કર્યુ છે. જેમાં પાટણ, મહેસાણા, બનાસકાંઠા, સાબરકાંઠા, અરવલ્લી, મહીસાગર, દાહોદ, પંચમહાલ, નવસારી અને વલસાડ જિલ્લામાં ગાજવીજ સાથે ભારેથી અતિભારે વરસાદની આગાહી છે. જ્યારે 16 જુલાઈના રોજ બનાસકાંઠા અને સાબરકાંઠાના છૂટાછવાયા સ્થળોએ ભારે વરસાદને લઈને હવામાન વિભાગે યલો ઍલર્ટ જાહેર કર્યુ છે.

આ પણ વાંચો :

Gujarat news: રાજ્યની 8 હજાર શાળામાં મેદાન જ નથી, 34 હજાર સ્પોર્ટસ કીટની કરી દીધી લ્હાણી

Gujaratમાં નવી ભરતીની જાહેરાત, આગામી 1 વર્ષમાં ST વિભાગમાં 8,700થી વધુ કર્મીઓની કરાશે ભરતી