Last Update :
10 Apr 2025
ગુજરાત ATSના નાયબ પોલીસ અધીક્ષક એસ.એલ.ચૌધરીને બાતમી મળી હતી કે વિશાલ પંડ્યા, ધ્વનિત મહેતા, અર્જુન અલગોતર, ધૈર્ય ઝરીવાલા, શેલાભાઇ ભરવાડ, મુકેશ બામ્ભાએ હરીયાણાના નુંહમાં બંદુકની દુકાન ધરાવતા સૌકતઅલી, ફારૂકઅલી, સોહીમ અલી તથા આસીફને ઘણી મોટી રકમ આપી મણિપુર-નાગાલેન્ડના બોગસ હથિયાર લાઇસન્સ પોતાના નામે બનાવડાવી હથિયારો ખરીદી લાવ્યા છે. તેમજ પોતાની ગેન્ગના માણસો તથા ગુજરાતના બીજા ઘણા બધા માણસોને બોગસ હથિયાર લાઇસન્સ તથા હથિયારો અપાવડાવ્યા છે, જેમની પૂછપરછ દરમિયાન બહારના રાજ્યોમાંથી બોગસ હથિયાર લાઇસન્સ થકી હથિયાર મેળવનાર ગેન્ગના કૂલ 49 ઇસમોની સંડોવણી ખુલવા પામી હતી.
GSTVની એપ્લિકેશન ડાઉનલોડ કરો
16 ઇસમો પાસેથી હથિયાર મળી આવ્યા
જે પૈકી 16 ઇસમ અનિલ ગૌરિશંકર રાવલ, અરજણ વિહા ભરવાડ, ભરત રામા ભરવાડ, દેહુલ રાજુ ભરવાડ, દેહુર બચુ ભોકરવા, જનક બલુ પટેલ, જય શાંતિલાલ પટેલ, જગદિશ રેવા ભુવા, લાખા રઘુ ભરવાડ, મનિશ રમેશ રૈયાણી, નિતેશ ભાયા મિર, રમેશ ભોજા ભરવાડ, રિશિ ઉમેશભાઇ દેસાઇ, સમિર ભીખુ ગધેથરિયા, વિરાજ જોગા ભરવાડ અને વિરમ સોંડા ભરવાડની અટકાયત કરવામાં આવી હતી. આ અટક કરેલા ઇસમો પૈકી કેટલાક અગાઉ પણ ગુનાહિત પ્રવૃતિમાં સામેલ હતા. ઉપરોક્ત 16 લોકો પાસેથી 8 રિવોલ્વર તથા તેના 310 રાઉન્ડસ, 2 પિસ્તોલ તથા તેના 88 રાઉન્ડ્સ અને 5 બારાબોર ગન તથા તેના 91 રાઉન્ડ્સ મળી કૂલ 15 હથિયાર સાથે 489 રાઉન્ડસ રિકવર કરી જપ્ત કરવામાં આવ્યા છે. ગુજરાત ATS દ્વારા 16 ઇસમો વિરૂદ્ધ આર્મ્સ એક્ટ હેઠળ ગુન્હો નોંધી કાયદેસરની કાર્યવાહી હાથ ધરવામાં આવી છે.
હાલ સુધી બહારના રાજ્યોમાંથી બોગસ હથિયાર લાઇસન્સ થકી હથિયાર મેળવનારા કૂલ 23 ઇસમોની અટકાયત કરવામાં આવી છે. આ ઉપરાંત કૂલ 108 ઇસમોએ પણ શંકાસ્પદ રીતે હથિયાર મેળવેલ હોઇ આ કેસમાં ઘણા હથિયારોની રીકવરી થવાની શક્યતા રહેલ છે જે અંગે ગુજરાત ATS દ્વારા આ ગુન્હાહિત પ્રવૃતિમાં સામેલ ઇસમો અંગે સઘન તપાસ ચાલુ છે.
