Last Update :
25 Jun 2025
Amreli news: અમરેલી જિલ્લામાં આવેલા સાવરકુંડલા તાલુકાના થોરડીની સીમમાં એક પરપ્રાંતીય 5 વર્ષનાં બાળકને પરિવાર વચ્ચેથી ઉપાડી જઈને ઝાડી-ઝાંખરામાં લઈને જઈને ફાડી ખાતા ચકચાર મચી છે. સિંહે બાળકોને શિકાર કર્યા બાદ વન વિભાગની ટીમને જાણ થતા ઘટનાસ્થળે પહોંચી કાર્યવાહી હાથ ધરી હતી. શેત્રુંજી ડિવીઝન અને ગીર પૂર્વ ડિવીઝન દ્વારા અલગ-અલગ ટીમો બનાવી મેગા ઓપરેશન શરૂ કરવામાં આવ્યું છે. જો કે પીડિત બાળકના પરિવારમાં શોકનો માહોલ છે.
GSTVની એપ્લિકેશન ડાઉનલોડ કરો
મળતી માહિતી અનુસાર, અમરેલીના સાવરકુંડલામાં આવેલા થોરડીની સીમમાં મધ્ય પ્રદેશના ખેતમજૂર પરિવારના 5 વર્ષીય બાળક ગુલસિંગ હરિલાલ અજનેરા પોતાના પરિવાર સાથે હતો ત્યારે અચાનક સિંહ ધસી આવીને બાળકને ઢસડી જઈને ઝાડી-ઝાંખરામાં લઈ જઈને ફાડી ખાધો હતો. પરિવાર કાંઈ સમજે તે પહેલા પોતાના વ્હાલસોયા બાળકને સિંહ ઉપાડીને જંગલ તરફ ગયો હતો. જેથી પરિવારે બુમાબુમ કરી હતી. જે અંગેની જાણ થતા આસપાસના લોકો દોડી આવી જઈને વન વિભાગને આ અંગેની જાણ કરી હતી. વન વિભાગે બાળકે ફાડી ખાવાની વાત જાણી એક્શનમાં આવ્યું હતું. શેત્રુંજી ડિવીઝન અને ગીર પૂર્વ ડિવીઝન દ્વારા અલગ-અલગ ટીમો બનાવી મેગા ઓપરેશન શરૂ કરવામાં આવ્યું હતું. જે બાદ સિંહને ગણતરીની કલાકોમાં દબોચી લેવામાં આવ્યો હતો. બાળકના હુમલા સ્થળેથી જ સિંહને ટ્રાંક્વી લાઈઝર કરી પાંજરે પુરી દીધો હતો. ત્યારબાદ સિંહને પાંજરે પુરી એનિમલકેર સેન્ટર ખસેડવામાં આવ્યો હતો. માનવ મૃત્યુની ઘટનામાં ગણતરીની કલાકોમાં સિંહને પાંજરે પુરવામાં મોટી સફળતા મળી હતી.
