Last Update :
25 Apr 2025
અકસ્માતોની સંખ્યામાં રોજે રોજ વધારો થઈ રહ્યો છે. ત્યારે દમણના મશાલ ચોકથી એરપોર્ટ તરફ જતા રોડ પર ગંભીર અકસ્માત સર્જાયો છે. ખારાવાડના રહેવાસી મોહસીન નામના યુવકની મોપેડ સ્વિફ્ટ ડિઝાયર કાર સાથે અથડાઈ હતી. અકસ્માત આરટીઓ ઓફિસની સામે થયો હતો. ઉમરસાડીનો કાર ચાલક સ્વિફ્ટ ડિઝાયર લઈને એરપોર્ટ રોડથી મશાલ ચોક તરફ આવી રહ્યો હતો. તે સમયે મોહસીન પોતાની મોપેડ પર રોંગ સાઈડથી આરટીઓ ઓફિસ તરફ આવી રહ્યો હતો.
GSTVની એપ્લિકેશન ડાઉનલોડ કરો
બેદરકારીથી વાત કરી મોપેડ ચલાવતો
અકસ્માતને નજરે જોનારા લોકોએ કહ્યું કે, મોહસીન મોબાઈલ ફોન પર વાત કરતો હતો. તે બેદરકારીથી મોપેડ ચલાવી રહ્યો હતો. આ કારણે તે કાર સાથે સીધો અથડાયો હતો. અકસ્માતની ટક્કર એટલી જોરદાર હતી કે મોહસીનને ગંભીર ઈજાઓ થઈ હતી. કારની એરબેગ ખુલી જવાથી ચાલકને કોઈ મોટું નુકસાન થયું નહીં.
ઈજાગ્રસ્તને હોસ્પિટલ ખસેડાયો
સ્થાનિક લોકોએ તુરંત 108 એમ્બ્યુલન્સને બોલાવી હતી. ઘાયલ યુવકને પહેલા મોટી દમણ સીએચસીમાં લઈ જવામાં આવ્યો હતો. ત્યાંથી તેની ગંભીર હાલતને કારણે વાપીની હરિયા હોસ્પિટલમાં ખસેડવામાં આવ્યો છે. પોલીસે ઘટનાસ્થળે પહોંચીને કાયદેસરની કાર્યવાહી શરૂ કરી છે.
