જુનાગઢ મનપાની ચૂંટણીમાં વોર્ડ-12માં આહીર સમાજના ભાજપ-કોંગ્રેસના ઉમેદવારોએ કરી લીધું સમાધાન

Junagadh Municipal Corporation Elections 2025 : જુનાગઢ મહાનગરપાલિકાની ચૂંટણીમાં કોંગ્રેસના 9 ઉમેદવારોએ ફોર્મ પાછા ખેંચી લેતા ધડાકો થયો છે. કોંગ્રેસના 9 ફોર્મ પાછા ખેંચાતા ભાજપ 8 બેઠકો પર બિનહરીફ જીતી ગયું છે. વોર્ડ-3ના કોંગ્રેસના 4, વોર્ડ-14ના કોંગ્રેસના 4 અને વોર્ડ-12માં કોંગ્રેસના એક ઉમેદવારે ફોર્મ પાછા ખેંચ્યા છે. 

GSTVની એપ્લિકેશન ડાઉનલોડ કરો

   

વોર્ડ-3ના આ 4 ઉમેદવારોએ ફોર્મ પાછા ખેંચ્યા 

• અમીનભાઈ પીરાણી
• મનજબેન બ્લોચ
• હસીન બેન પઠાણ
• યોગેશ પરમાર

વોર્ડ-14ના આ 4 ઉમેદવારોએ ફોર્મ પાછા ખેંચ્યા 

• ગીરીશ જેઠવાણી
• પ્રવિણાબેન પાણખાણિયા
• આરતીબેન જોશી
• હંસાબેન રાડા

વોર્ડ-12માં આહીર સમાજના ભાજપ-કોંગ્રેસના નેતાઓએ કરી લીધું સમાધાન

જુનાગઢ મહાનગરપાલિકાની ચૂંટણીમાં વોર્ડ-12ના કોંગ્રેસ ઉમેદવારે આશ્ચર્યજનક કારણ આપ્યું.વોર્ડ નંબર-12ના કોંગ્રેસ ઉમેદવાર દિલીપ ગલે  કહ્યું કે ભાજપ-કોંગ્રેસ બંને ઉમેદવાર એક જ સમાજ હોવાથી સામસામે લડવાથી વિવાદ ન થાય એટલા માટે મેં ફોર્મ પરત ખેંચવાનો નિર્ણય કર્યો. સમાજની મધ્યસ્થતાથી બેઠક મળી હતી, જેમાં ચિઠ્ઠી ઉછાળી ભાજપ-કોંગ્રેસના ઉમેદવારમાંથી કોણ ફોર્મ પરત ખેંચશે તે અંગે નિર્ણય લેવાયો હતો. આહીર સમાજના આ ‘સામાજિક ડ્રો’માં ભાજપના ઉમેદવાર જીતી ગયા અને કોંગ્રેસ ઉમેદવાર હારી જતા ફોર્મ પરત ખેંચ્યું હતું. 

આ પણ વાંચો :

જુનાગઢમાં મતદાન પહેલા લાગ્યા બહિષ્કારના બોર્ડ

જુનાગઢ મનપાની ચૂંટણીમાં મોટો ધડાકો, કોંગ્રેસના 9 ઉમેદવારોએ ફોર્મ પરત ખેંચતા ભાજપ 8 બેઠકો જીત્યું