વિસાવદરની પેટા ચૂંટણીમાં ગોપાલ ઈટાલિયાની ભવ્ય જીત, કડીમાં ફરી કમળ ખીલ્યું

ગુજરાતના બહુ ચર્ચિત વિસાવદર અને કડીની પેટા ચૂંટણીનું પરિણામ જાહેર થયું છે. મળતા અહેવાલ પ્રમાણે કડીમાં ભાજપે પ્રચંડ જીત દાખવી છે અને વિસાવદરમાં ગોપાલ ઈટાલિયાે ભવ્ય જીત દાઘખવી છે. કડી અને વિસાવદરની પેટા ચૂંટણીમાં કોંગ્રેસની કારમી હાર થઈ છે. ઉલ્લેખનીય છે કે ચૂંટણી પંચે આજે મતગણતરી માટે કડક સુરક્ષા વ્યવસ્થા કરી છે.સવારે 8.00 વાગ્યાથી મતગણતરી શરૂ થઈ હતી. પ્રથમ પોસ્ટલ બેલેટની ગણતરી કરવામાં આવી હતી, પછી EVMની ગણતરી કરવામાં આવી હતી.

GSTVની એપ્લિકેશન ડાઉનલોડ કરો

   

વિસાવદરની જનતાએ ગોપાલ ઇટાલિયા પર વિશ્વાસ મૂક્યો છે. તો બીજી તરફ કડીમાં ભાજપના ઉમેદવાર રાજેન્દ્ર ચાવડાનો 38,904 મતોની લીડ સાથે ભવ્ય વિજય થયો છે. ભાજપને 98,836 વોટ મળ્યા છે, જ્યારે કોંગ્રેસને 59,932 અને આપને 3,077 વોટ મળ્યા છે. કડી ભાજપની જીત જશ્ન મનાવવામાં આવી રહ્યો છે, તો બીજી તરફ વિસાવદરમાં આપના ઉમેદવારોમાં ખુશી લહેર વ્યાપી જવા પામી છે.

કડીમાં ચાવડા બંધુઓ વચ્ચે ત્રિપાંખીયો ચૂંટણી જંગ

કડીમાં ચાવડા બંધુઓ વચ્ચે ત્રિપાંખીયો ચૂંટણી જંગ છે..જેમાં ભાજપના રાજેન્દ્ર ચાવડા..સામે કોંગ્રેસના રમેશ ચાવડા ચૂંટણી મેદાને છે. તો આમ આદમી પાર્ટીના જગદીશ ચાવડાએ પણ ઉમેદવારી નોંધાવી છે.કોંગ્રેસના રમેશ ચાવડા કડીના પૂર્વ ધારાસભ્ય છે. 2012ની વિધાનસભા ચૂંટણીમાં તેમણે ભાજપના હિતુ કનોડિયાને હરાવ્યા હતા.જો કે 2017માં કોંગ્રેસ તરફથી રમેશ ચાવડા જ ચૂંટણી મેદાને હતા..પરંતુ તેઓ ભાજપના કરશન સોલંકી સામે ચૂંટણી હારી ગયા હતા.

વિસાવદર વિધાનસભા બેઠકની પેટાચૂંટણીનું પરિણામ આજે જાહેર

વિસાવદર વિધાનસભા બેઠકની પેટાચૂંટણીનું પરિણામ આજે જાહેર થશે, જેમાં નવો ધારાસભ્ય કોણ બનશે તે નક્કી થશે. 19 જૂને યોજાયેલા મતદાનમાં 1.48 લાખથી વધુ મતદારોએ 16 ઉમેદવારોનું ભાવિ EVMમાં કેદ કર્યું હતું. મતદાન બાદ તમામ EVMને જૂનાગઢની કૃષિ યુનિવર્સિટી ખાતે સ્ટ્રોંગ રૂમમાં સુરક્ષિત રાખવામાં આવ્યા હતા. આજે સવારે 9 વાગ્યે મતગણતરી શરૂ થશે.

પ્રથમ પોસ્ટલ બેલેટની ગણતરી થશે, જે બાદ 14 ટેબલ પર 21 રાઉન્ડમાં EVM ખોલવામાં આવશે. આ પ્રક્રિયા પૂર્ણ થતાં વિસાવદરનું ચૂંટણી પરિણામ જાહેર થશે. ભાજપના કિરીટ પટેલ, કોંગ્રેસના નીતિન રાણપરિયા અને આપના ગોપાલ ઇટાલિયા વચ્ચે ત્રિપાંખીયો જંગ જામ્યો છે. મતદારોનો ઉત્સાહ અને શાંતિપૂર્ણ મતદાન બાદ હવે સૌની નજર પરિણામ પર છે.