Last Update :
02 May 2025
Patan news: પાટણ જિલ્લામાં છેલ્લા ઘણા સમયથી ચોરી, લૂંટફાટ, ધમકી અને બીજા ગુનાઓમાં સતત વધારો થઈ રહ્યો છે. જેથી પાટણ એલસીબીએ આ ગુનાઓ ઉકેલવા કમર કરી હતી. જેને પગલે
અલગ-અલગ ગુનાઓને અંજામ આપનાર પાંચ આરોપીઓની પાસા હેઠળ અટકાયત કરી હતી.
GSTVની એપ્લિકેશન ડાઉનલોડ કરો
પ્રાપ્ત વિગતો અનુસાર, પાટણ જિલ્લા અને ગ્રામ્યમાં વિવિધ ગુનાઓને પગલે પોલીસ તંત્ર દોડતી થઈ હતી. જે બાદ આ ગુનાઓમાં સંડોવાયેલા પાંચ અસામાજિક તત્વોને ઝબ્બે કરવામાં આવ્યા હતા. જાબીર હુસૈન ઘાંચી, ગુલામ રસુલ ઘાંચી, અબ્દુલ કાદર ઘાંચી,અલ્તાફ ગુલામ રસુલ અને અલ્તાફ હારુનભાઈ ઘાંચીને પાસા હેઠળ ધકેલાયા હતા.
આ તમામ અસામાજિક તત્વોની યાદીમાં નામ ધરાવનાર શખ્સો સામે પાટણ પોલીસ વિભાગે કાયદેસરની કાર્યવાહી હાથ ધરી હતી. ભૂ-માફિયા, ખાણ ખનીજ, શરીર સબંધી ગુનાઓ, મારામારી અને લૂંટ જેવા ગુનાઓ આચરેલા 5 શખ્સોને પાસા હેઠળ રાજ્યની અલગ અલગ જેલોમાં મોકલી અપાયા હતા. આ આરોપીઓને રાજ્યની રાજકોટ,જૂનાગઢ,ભાવનગર,અમરેલી જેલોમાં પાસા હેઠળ મોકલી દેવાયા હતા. જો કે આ તમામ આરોપીઓ રાધનપુરના હોવાનું સામે આવ્યું હતું.
