Last Update :
26 Apr 2025
સુરતના રાંદેર વિસ્તારમાં આજે મુસ્લિમ સમાજ દ્વારા આતંકવાદ વિરુદ્ધ ઉગ્ર વિરોધ નોંધાવ્યો હતો. આંદોલનકારીઓએ કાશ્મીરમાં થોડા દિવસ પહેલાં થયેલા આતંકી હુમલાની નિંદા કરી હતી અને તેમાં શહીદ થયેલા દેશના વીર જવાનોને શ્રદ્ધાંજલિ અર્પણ કરી હતી.
GSTVની એપ્લિકેશન ડાઉનલોડ કરો
નારેબાજી કરાઈ
વિશેષ છે કે, રાંદેરના મુખ્ય બસ સ્ટોપ પાસે ઉમટેલા લોકોએ આતંકવાદના વિરોધમાં નારેબાજી કરી હતી. આ દરમિયાન આતંકીઓના પૂતળાઓને ફાંસી આપી, તેમના પ્રતિકરૂપનો નાશ કરાયો હતો. વિરોધના દ્રશ્યો ભારે ઉગ્ર લાગતાં હતાં, જેમાં "આતંકવાદ મુર્દાબાદ" અને "ભારત માતા કી જય" જેવા નારા ગૂંજ્યાં હતાં.
આતંકવાદનો કોઈ ધર્મ નથી હોતો
સમાજના આગેવાનો અને કાર્યકરો તરફથી કેન્દ્ર સરકારને આવેદન આપવામાં આવ્યું કે આતંકીઓ સામે વધુ કડક અને ઝડપી કાર્યવાહી કરવામાં આવે, જેથી આવી ઘટના ફરી ક્યારેય ન બને. તેમણે એવું પણ જણાવ્યું કે આતંકવાદનો કોઈ ધર્મ નથી અને સમગ્ર સમાજે એવા તત્વોનો વિખવાદ અને વિરૂદ્ધ થવું જોઈએ. આ વિરોધ દરમિયાન શાંતિ જળવાઈ રહી હતી અને પોલીસ બંદોબસ્ત પણ સજ્જ જોવા મળ્યો હતો. સ્થાનિક પોલીસ અધિકારીઓએ જણાવ્યું કે વિરોધ અનુશાસનપૂર્વક અને કાયદાકીય રીતે યોજાયો છે.
