Last Update :
19 May 2025
તાપી જિલ્લા કલેકટર ડો. વિપિન ગર્ગે આજે ડોલવણ તાલુકાની વિવિધ સરકારી કચેરીઓની આકસ્મિક મુલાકાત લીધી હતી. તેમણે સૌ પ્રથમ પાટી ગામની આંગણવાડીનું નિરીક્ષણ કર્યું હતું.
GSTVની એપ્લિકેશન ડાઉનલોડ કરો
ફાઈલોની તપાસ કરી
કલેકટરે ડોલવણ અને ગડત સી.એચ.સી.ની મુલાકાત લીધી હતી. તેમણે બંને આરોગ્ય કેન્દ્રોમાં કેસ પેપર અને ફાઈલોની તપાસ કરી હતી. સાથે જ અધિકારીઓ અને કર્મચારીઓ સાથે વિવિધ મુદ્દાઓ પર ચર્ચા કરી હતી.આ મુલાકાત દરમિયાન ડોલવણ મામલતદાર શૈલેશ ખંડોર, સુપ્રીટેનડન્ટ તેજસ પટેલ અને અન્ય અધિકારીઓ હાજર રહ્યા હતા.
મહત્વપૂર્ણ કર્યા સૂચન
કલેકટર ડો. ગર્ગે આરોગ્ય સેવાઓમાં સુધારા માટે મહત્વપૂર્ણ સૂચનો આપ્યા છે. તેમણે જણાવ્યું કે દર્દીની પ્રથમ નોંધણી વખતે જ આયુષ્યમાન કાર્ડની માહિતી મેળવવી જોઈએ. જો દર્દી પાસે કાર્ડ ન હોય તો સ્થળ પર જ તેની કાર્ડ બનાવવાની પ્રક્રિયા શરૂ કરી શકાય છે. વધુમાં, તેમણે ડોલવણ સી.એચ.સી.માં એમ્બ્યુલન્સનો મહત્તમ ઉપયોગ કરવાનું સૂચન કર્યું છે.
