
ગુજરાતમાં ચોમાસું શરૂ થતાની સાથે જ મેઘ મહેર જોવા મળી રહી છે. જોકે,ગત અઠવાડિયું દક્ષિણ ગુજરાત માટે ખૂબ કપરૂ રહ્યું છે. અહીં મેઘરાજાએ પોતાનો કહેર વર્તાવ્યો હતો, જેના કારણે આખેઆખા શહેર પાણીમાં ગરકાવ થઈ ગયા હતા. જોકે, હાલ અનેક જિલ્લામાં વરસાદે ખમૈયા કર્યા છે, પરંતુ હજુ આ અઠવાડિયે દક્ષિણ ગુજરાત અને ઉત્તર ગુજરાતના અનેક જિલ્લાઓમાં મધ્યમથી ભારે વરસાદ જોવા મળશે. હવામાન વિભાગે આ અઠવાડિયા માટે વરસાદની આગાહી કરી છે.હવામાન વિભાગની આગાહી મુજબ, 2 જુલાઈથી 7 જુલાઈ સુધીમાં ગુજરાતના કોઈ જિલ્લાને રેડ એલર્ટ નહીં હોય.આ સિવાય અનેક જિલ્લામાં વરસાદ વિરામ લેશે.
હવામાન વિભાગની આગાહીની આગાહી અનુસાર 2 જુલાઈએ 8 જિલ્લામાં ઓરેન્જ એલર્ટ આપ્યું છે. આ જિલ્લામાં આજે છૂટાછવાયા સ્થળે અતિભારે વરસાદ જોવા મળશે. આ સિવાય 12 જિલ્લામાં યલો એલર્ટ જાહેર કર્યું છે. જ્યાં ભારે વરસાદ જોવા મળશે.જેમાં સાબરકાંઠા, અરવલ્લી, મહિસાગર, દાહોદ, નવસારી, વલસાડ, દમણ, દાદરા અને નગર હવેલીમાં વરસાદનું ઓરેન્જ એલર્ટ છે તો બનાસકાંઠા, મહેસાણા, પંચમહાલ, વડોદરા, છોટા ઉદેપુર, નર્મદા, ભરૂચ, સુરત, તાપી, ડાંગ, અમરેલી, ભાવનગરમાં વરસાદનું યલો એલર્ટ છે.
3 જુલાઈએ બનાસકાંઠા અને સાબરકાંઠામાં ઓરેન્જ એલર્ટ છે આ જિલ્લામાં આજે છૂટાછવાયા સ્થળે અતિભારે વરસાદ જોવા મળશે. તો કચ્છ, પાટણ, મહેસાણા, ગાંધીનગર, અરવલ્લી, ખેડા, મહીસાગર, પંચમહાલ, દાહોદ, ભાવનગર, અમરેલી, ગીર સોમનાથ, દીવ, સુરત, તાપી, ડાંગ, નવસારી, વલસાડ, દમણ, દાદરા અને નગર હવેલીમાં વરસાદનું યલો એલર્ટ છે. અહીં ભારે વરસાદ જોવા મળશે.
4 જુલાઈએ સાબરકાંઠા, અરવલ્લી, મહીસાગર, દાહોદ, ગીર સોમનાથ, દીવ, નવસારી, વલસાડ, દમણ, દાદરા અને નગર હવેલીમાં વરસાદનું યલો એલર્ટ આપ્યું છે. જ્યાં છૂટાછવાયો સ્થળોએ ભારે વરસાદ જોવા મળશે.
5 જુલાઈએ અરવલ્લી, મહીસાગર, દાહોદમાં ઓરેન્જ એલર્ટ છે, આ જિલ્લામાં આજે છૂટાછવાયા સ્થળે અતિભારે વરસાદ જોવા મળશે. આ સિવાય કચ્છ, બનાસકાંઠા, પાટણ, મહેસાણા, સાબરકાંઠા, પંચમહાલ, છોટા ઉદેપુર, નવસારી, વલસાડ, દમણ, દાદરા અને નગર હવેલી, ભાવનગર, અમરેલી, ગીર સોમનાથ અને દીવમાં યલો એલર્ટ છે. જ્યાં ભારે વરસાદ જોવા મળશે.
6 જુલાઈએ બનાસકાંઠા, સાબરકાંઠા, અરવલ્લી, નવસારી, વલસાડ, દમણ, દાદરા અને નગર હવેલીમાં ઓરેન્જ એલર્ટ આપ્યું છે. આ જિલ્લામાં આજે છૂટાછવાયા સ્થળે અતિભારે વરસાદ જોવા મળશે. આ સિવાય કચ્છ, પાટણ, મોરબી, મહેસાણા, ગાંધીનગર, અમદાવાદ, ખેડા, મહીસાગર, દાહોદ, પંચમહાલ, આણંદ, વડોદરા, છોટા ઉદેપુર, ભરૂચ, નર્મદા, સુરત, તાપી, ડાંગ, ભાવનગર, અમરેલી, ગીર સોમનાથ અને દીવમાં યલો એલર્ટ જાહેર કર્યું છે. જ્યાં ભારે વરસાદ જોવા મળશે.
7 જુલાઈએ બનાસકાંઠા અને સાબરકાંઠામાં ઓરેન્જ એલર્ટ આપ્યું છે. આ જિલ્લામાં આજે છૂટાછવાયા સ્થળે અતિભારે વરસાદ જોવા મળશે. તો કચ્છ, જામનગર, દ્વારકા, પોરબંદર, પાટણ, મહેસાણા, અરવલ્લી, સુરત, નવસારી, વલસાડ, દમણ, દાદરા અને નગર હવેલીમાં યલો એલર્ટ જાહેર કર્યું છે. જ્યાં ભારે વરસાદ જોવા મળશે.