શતરંગ / બજેટ આમ આદમીની સ્વતંત્રતા વધારશે ખરું?

- અર્થ અને તંત્ર

કેન્દ્ર સરકારનું બજેટ આવી રહ્યું છે ત્યારે તેને માત્ર વિવિધ કરવેરાના સંદર્ભમાં નહિ પણ તેમાં કઈ બાબતો માટે કેટલું ખર્ચ થવાનું છે અને તેનાથી દેશના લોકોના માનવ અધિકારોનું રક્ષણ થવાનું છે કે નહિ તેના સંદર્ભમાં પણ તેને વિષે વિચારવું જોઈએ. સામાન્ય રીતે આવક વેરામાં વધારો થયો કે ઘટાડો, કંપની વેરામાં વધારો થયો કે ઘટાડો અને આબકારી જકાત અને કસ્ટમ જકાતમાં ક્યાં કેટલો વધારો થયો કે ઘટાડો તેણે વિષે જ બધી ચર્ચા થતી હોય છે. પરંતુ એ ચર્ચાને નવો વળાંક આપવાની જરૂર છે.