શતરંગ / બજેટમાં શિક્ષણ માટે જીડીપીના માત્ર ૦.૪ ટકા ખર્ચ!

- અર્થ અને તંત્ર 

કેન્દ્રનું ૨૦૨૪-૨૫નું બજેટ શિક્ષણની બાબતમાં સાવ નિરાશાજનક છે એમ કહી શકાય. નરેન્દ્ર મોદી સરકારની ૨૦૨૦માં બહાર પાડવામાં આવેલી નવી શિક્ષણ નીતિ પણ અગાઉની શિક્ષણ નીતિઓની જેમ જ એમ કહે છે કે જીડીપીના છ ટકા જેટલો સરકારી ખર્ચ શિક્ષણ પાછળ કરવામાં આવશે. તેમાં ચાર ટકા જેટલું ખર્ચ રાજ્ય સરકારો કરે એવી અપેક્ષા છે. આમ, બાકીનું એટલે કે જીડીપીના બે ટકા જેટલું ખર્ચ કેન્દ્ર સરકાર શિક્ષણ માટે કરે એવું ધારી શકાય. આ નીતિ જાહેર કરાયા પછી આ ચોથું બજેટ ૨૦૨૪-૨૫ માટે આવ્યું છે.